高質日式料理🇯🇵一試愛上 每件壽司皆有水準✨

成日都經過呢間日本菜店舖，又成日見到佢啲Poster好似好高級咁，終於搵次試咗佢！ 【特選壽司拼盤（10件）】($235) 🍣 壽司拼盤10件都唔同，有4件係炙燒壽司，亦有蟹肉同左口魚等較特別海鮮👍🏼當中最深刻係炙燒蝦壽司，入口有馥郁香氣之餘蝦肉大舊有咬口，平時對蝦無咩興趣嘅我都覺得幾好食😳 【珍寶帶子壽司（2件）】($52) 🤍 作為帶子迷嘅我對帶子有一份執著同挑剔🤣呢到嘅帶子我非常滿意😋大大舊，一啖根本食唔曬，仲有夠鮮味，好滿足✨ 【三文魚壽司（1客2件）】($22) 🐟 睇相都睇到呢到嘅三文魚係幾咁飽滿有肉，入口真係好香，魚油亦非常足夠，推介🥰 【珍寶活煮蝦（1客2件）】（$28）🦐 蝦我就唔算識食，不過覺得佢比其他地方食開嘅鮮甜🤣 【千両海鮮燉蛋】（$32）🐣 睇Menu見佢有唔同海鮮放面，第一下真係覺得被騙😅最後同其他地方嘅燉蛋有少少海鮮喺底一樣，不過呢個燉蛋特別在於佢係有柚子味🍊都叫令我開心返少少😂 呢到計埋加一食咗大概$400，兩個人食剛剛好唔算好飽，但勝在每件壽司都夠水準🌟而且環境寧靜又有和式氛圍👘如果有日想食好少少或者慶祝特別日子嘅話，呢間都係唔錯嘅選擇👍🏼 綜合評價（5分滿分）： 食物質素：🍣🍣🍣🍣🍣 打卡指數：🍣🍣🍣 環境：🍣🍣🍣🍣🍣 性價比：🍣🍣🍣🍣 📍 千両 九龍灣偉業街33號德福廣場1期1樓F27號舖 #熱門菜式#千両 #九龍灣 #九龍灣美食 #九龍區美食 #攻略#日本菜 #壽司#生活足跡#社群相聚#hkfoodie#必食之選#日本料理