[ 蟹興記·蟹黃面 ]
最近深圳大熱蟹黃麵🦀🍜!南山區海岸城呢間「蟹興記」係內地多個城市有分店,主打蟹黃、蟹粉料理,蟹迷必試招牌蟹黃金撈麵。
✿ 蟹黃金撈麵 ¥98/份 🦀🍜
✿ 蟹黄金撈飯 ¥98/份 🦀🍚
招牌必點菜式!每份有一碗蟹黃、一碗麵條/白飯、配菜酸瓜及雲耳。
每碗蟹黃有約10隻蟹嘅蟹黃及蟹膏,熱辣辣油香十足。蟹黃好似瀑布咁倒落麵條或白飯,每啖都係濃郁蟹味🤤。建議配埋蟹醋一齊食,解油解膩又提升鮮味👍。
麵條幼身夠爽口,而且同白飯一樣可以免費🆓加底,一定食得飽!
小食方面新推出🆕四款蟹黃、蟹粉系列點心,點心即點即蒸,新鮮熱辣辣。
✿ 蟹黃燒賣(2個) ¥30
燒賣餡料好特別,係蟹黃配糯米飯,口感軟糯。
✿ 金牌蟹黃包(2個) ¥30
以蟹皇做餡料,皮薄咬落爆汁。
✿ 蟹粉小籠包(4個) ¥38
以蟹粉做餡料,有蟹黃及蟹肉,皮薄咬落爆汁。
✿ 蟹黃灌湯包 ¥58 🥟
灌湯包有拳頭咁大,咬開外皮蟹黃餡料多到滿瀉,蟹味濃郁夠邪惡。
✿ 鮑魚(2隻) ¥28
✿ 花雕羅氏蝦(4隻) ¥38 🦐
另外加咗兩款海鮮小食,鮑魚口感爽彈,羅氏蝦花雕酒味夠濃厚,蝦肉好入味,鮮甜彈牙。
總結🫦
中意食蟹黃麵嘅朋友去深圳要試吓,另外店員會免費提供薑茶,可以驅寒解蟹毒👍。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
蟹興記·蟹黃面
地址:深圳市-南山區-海岸城保利文化廣場A區二樓步行街A2-03室
(深圳地鐵2/8/11號線 後海站D1出口)
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
#深圳必食 #深圳美食 #深圳好去處 #深圳食乜好 #深圳餐廳
#羅湖美食 #南山 #南山區 #深圳南山 #海岸城 #大陸美食 #深圳探店 #大陸探店 #ufoodphoto
#深圳攻略 #深圳打卡 #蟹黃 #蟹黃麵 #海岸城
#蟹興記 #蟹黃瀑布 #蟹黃 #蟹黃面 #蟹粉 #蟹黃湯包 #大閘蟹 #蟹黃麵 #蟹黃控