［寶琳］賣相幾吸引但味道稍有遜色既茶餐廳🍛

已經有一段時間冇去過寶琳,呢度已經變左好多開左好多新餐廳,不過今日想食茶餐廳所以就揀左呢間🫢 ————————————————————————————— 🍲精選二人餐$168(兩個主菜+兩碗飯+兩碗湯,飲品熱飲額外加$3､凍飲+$6､特飲+$12) ♦️招牌鮮鳳梨咕嚕肉🍍 見佢係招牌菜所以特登叫左,賣相相比起其他茶餐廳真係算幾靚,而且可以睇得出佢真係用新鮮鳳梨唔係罐頭菠蘿,但食落去鳳梨反而冇乜味但係唔酸,呢個令我有少少失望😢但啲洋蔥幾香🧅咕嚕肉去晒骨熱辣辣食果陣都好味,但耐左就變得好硬有啲難咬,同埋有幾舊炸粉比較厚身🤔 ♦️馬拉盞通菜炒牛肉🐮 食落好香少少辣,牛肉都算薄身但有一兩舊連住啲筋韌到有啲咬唔開,牛肉都幾入味而且唔算好油膩 二人餐已包每人一碗湯同一碗飯,湯係南瓜紅蘿蔔豬骨湯夠晒味都好飲😋最後叫左杯凍檸茶同熱檸蜜,兩杯飲品味道正常~ 評分🖍️(滿分為5個🌕) 抵食指數:🌕🌕🌕🌑🌑 服務質素:🌕🌕🌕🌗🌑 環境:🌕🌕🌕🌗🌑 味道:🌕🌕🌕🌑🌑 📍 六十年華 將軍澳寶琳欣景路8號新都城中心二期G樓G26-28號舖 #UCreatorHK#BESTFOODwithUCreator#香港美食#九龍美食#新界美食#香港隱世美食#美食推介#美食推薦#美食分享#hkfoodie#hkfoodblogger#hongkongfoodie#hongkongfood#茶餐廳#香港地道美食#六十年華