2025/03/26

超滿足超奢華嘅壽司發辦

今晚同老友聚會食廚師發辦,食得滿足,傾得開心,好enjoy! 餐廳以黑木色做裝修,座位分為吧枱及日式趟門嘅房間｡我哋坐房間,夠晒有私人空間｡我哋點咗2份omakase,｢Sun｣及｢Moon｣ 🌞Omakase Sun - $1380 先付､刺身三款､御料理､壽司九貫､吸物､甜品 🌝Omakase Moon - $1580 先付､刺身五款､御料理､壽司十貫､吸物､甜品《先付》 🌾 以4道小吃作為開胃前菜,用上花枝裝飾,以迎接春日嘅到來🌸 前菜分別有廣島蠔､合桃小女子､醃製萵筍､醃製柑桔🍊 廣島蠔Creamy又鮮甜,配上魚子,夾埋做底嘅酸汁,突出港島蠔嘅鮮味,非常開胃｡醃製萵筍,清新爽脆｡合桃小丸子香脆可口,帶有蜜味｡醃製柑桔香甜帶甘,清新又舒服,解開口中蠔嘅味道｡《刺身》🐟 ⭐️深海池魚深海池魚肉質緊實而爽口,入口魚油甘香,捲著甜蝦他他,超甜蝦膏味道｡面層灑上竹炭鹽同魚子,夾埋清香嘅紫蘇葉,沾上酸汁一齊食,正｡第二次嚟食,仍然要打卡!真係太仙氣太靚!🧚🏻‍♀️ ⭐粒貝新鮮爽口,清甜帶有海水味,質感好嫩滑! ⭐️煙燻鰤魚鰤魚超厚切,師傅將魚微炙,超甘香! 肉質肥美,入口帶有油脂及煙燻味,好惹味｡ ⭐️鯛魚超新鮮,顏色好光亮,口感緊緻有彈性,入口帶甘,配上酸汁提鮮｡ ⭐️ 三文魚子海膽杯賣相精緻奢華! 底層係滿滿嘅三文魚子,上面鋪上一層層嘅海膽｡海膽超鮮甜,入口即溶,帶有海水味,配上甘甜爆汁嘅三文魚子,簡直衝擊味蕾! ⭐️ 北海道八爪魚魚肉顏色透亮雪白,肉質緊實有彈性,食落好重膠質,吸盤部份爽口清甜,配上柚子胡椒,提升鮮味｡ ⭐️鮟鱇魚肝油脂豐腴,口感奶油一樣,幼滑香濃,入口即溶,好難忘嘅一道菜｡《御料理》🦪 鮑魚煮大根鮑魚口感細嫩彈牙,醬汁香濃,配菜嘅大根､甘荀同竹輪,都好入味,大根爽口清甜又多汁｡因為,再以春菜作裝飾,好特別｡《寿司》🍣 ⭐️ 真鯛肉質細緻柔軟,口感清爽鮮甜 ⭐️ 地金目鯛肉質結實有彈性,鮮甜濃郁,肥而不膩 ⭐️ 煙燻鰤魚肉質厚實肥美,帶有煙燻獨特嘅香味 ⭐️鯖魚肉質細緻嫩滑,清爽回甘｡ ⭐️ 鮫碟魚魚邊魚肉結實,帶有油脂香,口感滑捋捋,帶有咬勁,好重膠原蛋白｡ ⭐️ 喜之刺肉色光亮,鮮甜無比,充滿油脂香,入口即溶食落滿口魚香｡ ⭐️ 醬油漬赤身肉色鮮紅,肉質結實,利用醬油鹹香,令味道大大提升,甘香醒胃｡ ⭐️拖羅脂肪分佈如雪花般,富天然魚油脂肪嘅甘香味,入口即溶,好正! ⭐️毛蟹海膽賣相高級精緻,蟹肉放上海膽､魚子及金箔｡ 🦀蟹肉肉質鮮嫩,鮮甜帶鹹｡海膽濃郁,帶有海水味｡ ⭐️ 北海道海膽配淡雪鹽超奢華!海膽金黃色,旁邊放上雪鹽,半碟配上嬌艷嘅玫瑰花,再灑上金粉,超靚! 海膽份量超多,好似雪糕咁幼滑,勁鮮甜,入口軟滑即溶,帶有啖啖海水鮮味同淡雪鹽提鮮｡視覺味覺都好滿足!🤩🤩🤩 《吸物》🥣 七味蜆麵豉湯味噌湯非常濃郁,帶有蜆肉嘅鮮味,以香菜同海帶做配料,好豐富｡《甜品》 🍈 哈密瓜爽口清甜,提子脆口爆汁 #foodie #foodiehk #foodiehkgirl #omakase #花晨月夕 #hkfoodblogger #hkfoodie #香港美食 #尖沙咀美食 #廚師發辦 #刺身 #kuno ...更多