2024/12/31

🥶凍冰冰🥶今晚打邊爐最啱啦！🍲😋

今日天氣凍,同 frd 去打邊爐,真係最啱!❄️🍲嚟到見到每個人都有自己嘅鍋,唔使爭,啱晒我哋唔同口味!😍湯底有好多選擇,特色鍋物,仲有即叫即做嘅新鮮水果手搖,真係合我哋嘅口味!🍹 我今次食嘅係 B餐【冰鮮全血和牛+日本北海道四元豚】💖120分鐘晚市吃到飽套餐,$439一位💰｡因為我哋幾個都好鍾意食牛,呢款澳洲純血和牛真係好少見,肉質嫰滑,味道濃郁,第一次試真係驚喜!🤤🥩 唔食牛嘅話,仲有日本北海道四元豚🐷肉質嫩滑,完全冇韌度,肥瘦均勻,食落去好舒服!🍖火鍋配料方面,瀨尿蝦､生蠔､蟶子､大頭蝦､帶子,每款都好新鮮,特別推介生蠔,脹卜卜,又爽彈又肥美,真係無限任食超正!🦪✨ 台式炸物方面,仲有唔少選擇!如果鍾意榴槤,極力推薦 🤍榴槤炸波波🤍榴槤蓉超猛烈,味道好正!😋另外,煉奶炸油條都幾好,油條切細,面頭有啲煉奶甜甜地,口感超脆,真係食到過癮!🍩💖其他小食有鹽酥雞､台灣腸､鹽酥豆腐､地瓜球､炸麻糬､炸花枝丸等等,選擇多到你唔知食咩好!🍗🥟 飲品方面,我揀咗芒芝芝芝,酸酸地好開胃,真係解膩!🍋仲有百香果茶､黑糖珍珠､牛乳冬瓜茶可以揀｡如果唔想飲台式飲品,仲可以去自助區拎罐裝茶,好多都係自家品牌!🍵 最後,記得試下桃膠雪耳芋圓糖水🫣一開始我都冇諗住叫,食到咁飽都唔想再加,結果一試就愛上!❤️糖水一啲都唔甜,芋圓又煙韌,真係食完主餐後,食佢好舒服!🍧 仲有自助區有丸類､蔬菜､麵食等等,基本上夠你食到飽,雪糕自己唧,牛乳味同烤番薯味兩種,鍾意食雪糕嘅朋友千祈唔好錯過!🍦🎉 總括而言,今次打邊爐真係好滿意,期待下次再嚟!😄✨ ✨一鼎 (馬鞍山) 📍馬鞍山鞍祿街18號MOSTown新港城中心(4期)2樓2001號舖 #一鼎台式火鍋 #台式火鍋 #火鍋 #台灣菜 #澳洲和牛 #foodiehk #高質 #馬鞍山 #馬鞍山美食 ...更多