不論孕期或者產後，你紮唔紮肚呀？餵唔餵人奶呀？被問既次數係同BB係仔定女相若。
第六週醫生檢查後，知道會陰傷口好返，大細胸問題解決左，但盆底肌肉要訓練，我就開始漸進地停人奶、紮肚、做運動。
漸進地停人奶即係每日揼奶既間隔同埋量都慢慢地減少，好處係比時間身體去調節同心情去適應，減低胸部脹奶不適同突然好似氣球漏氣咁塌左既機會。停左人奶之後我就開始做胸部運動，訓練返胸部肌肉等佢好好支撐乳房，不會下垂。
本來以為紮肚條帶係重點，原來見到既紮肚布係最後固定。
重要的係按摩個肚，排走啲風（空氣？），再推盆骨，再做機，最後包紮肚布做固定。所以做完療程之後，最好都係用腰封去維持個效果。類似情況就係箍牙，箍牙療程完左醫生都要你KEEP住帶retainer去確保啲牙唔會移位。
盆底肌肉訓練既動作好簡單，任何時候都做到，一日5-10分鐘就可以啦。以上句子聽落好容易但做起上黎都唔係咁易。點解？動作簡單但難在堅持，做一日easy，做一星期可以，做一個月都OK，之後呢？醫生話要持續做3-6個月先會有效果，我做了一個月，見成效唔錯就開始懶，兩日之後⋯⋯好啦，我去做運動了。
#產後調理 #產後運動
(此文章由U Blog 同步發佈至社群)
