2024/10/25

🍰佐敦抵食西餐

同朋友黎佐敦既Plato Cafe & Bistro食西餐~環境幾闊落仲有兩層,而且覺得店員都幾細心,果日唔小心跌左支叉落地下,一執翻起店員勁快就攞左set紙巾同叉比我👍 精選二人套餐($498) 1️⃣煙三文魚凱撒沙律前菜既沙律冇諗過都有咁多!沙律有啲芝士粉､多士粒,同埋幾塊煙三文魚｡ 2⃣️ 是日餐湯餐湯係大蒜薯仔湯,蒜味唔係好覺可以放心😂幾滑幾creamy~ 3⃣️北海道帶子松露野菌意大利粉係三大粒煎香既帶子,另外意粉裹滿黑松露醬🤤仲有啲菇､蘆筍｡ 4⃣️炭燒澳洲肉眼牛扒揀左五成熟切開真係好靚!面頭煎得好香,仲有啲黑椒調味,其實唔點汁已經好唔錯!有肉汁而且一啲都唔會韌,食到牛肉肉香~配菜仲有焗薯!薯仔中間夠曬軟!面頭仲有煙肉蛋黃醬,好食😋跟住啲沙律係配柚子醋,輕爽啲｡ 5️⃣ 朱古力心太軟配雪糕(+$48) 呢個真係好正!佢地既心太軟要等多陣,一上台係即刻聞到好香!!!個心太軟係焗到外層脆脆地中間好流心同埋朱古力醬係好濃!另外香味另一來源除左朱古力味之外,仲有面頭既玫瑰花瓣碎😍係真係聞到加食到玫瑰花味,原來朱古力醬加玫瑰味係咁好食!我第一次食心太軟有呢個搭配!我好鍾意!另外雪糕係雲呢拿味,仲有啲脆脆開心果碎｡呢個甜品我大推! 6️⃣ 芝士蛋糕是日甜品既芝士蛋糕就比較普通｡好既係芝士味唔會太heavy,作為飯後甜品係幾剛好｡ 7️⃣雜莓奶昔(+$26) 一入口係滿滿既berries味,仲要可以飲到底底酸酸既果醬同莓果粒,酸甜酸甜好好飲｡ 8️⃣蝶豆花鮮奶(+$16) 白到淺藍既漸層好靚!面頭仲有lotus餅｡好味:7/10 環境:6.8/10 性價比:7/10 Plato Cafe & Bistro (吳松街) (佐敦) 📍地址:佐敦吳松街186-188號地舖 📌有三間分店,另外兩間係新蒲崗同觀塘 #佐敦美食 #煙三文魚凱撒沙律 #北海道帶子松露野菌意大利粉 #炭燒澳洲肉眼牛扒 #食好西 #吃貨人生 #cafe推介 #cafehk #佐敦cafe #hongkongfood #hongkongfoods #hkfoodie #hkig #hkfood #hkeat #hkfoodstagram #hkfoodblog #朱古力心太軟配雪糕 #hkcafe #雜莓奶昔 #蝶豆花鮮奶 #芝士蛋糕 #新蒲崗美食 #觀塘美食 ...更多