2024/06/21

名副其實嘅米芝蓮川菜，薑牛鵝肝鍋粑三層脆必試！😎

外國朋友話想食下川菜，上網搵到連續11年獲得米芝蓮美食推介「Chilli Fagara 麻辣燙」，頗有名氣，有好多外國人都推薦！所以就帶左朋友去試下～果然聞名不如見面！😎 外國朋友勁like！話下次返香港🇭🇰要再黎食～😂 麻辣燙小吃“麻” = 四季豆 “辣” = 粉皮 “燙” = 椒鹽茄子🍆 食嘅次序剛好相反，由茄子開始食起，再到粉皮，最後四季豆。四季豆麻香十足，好惹味！粉皮以鹹香讓辣味徐徐滲出，生津開胃；茄子炸至金黃，不麻不辣，但又唔錯喎！ ⭐️推薦❗薑牛鵝肝鍋粑三層脆 Caramelised Beef with Foie Gras, with Garlic, Ginger and served on Crispy rice squares（$98/件）脆卜卜嘅鍋粑，放上厚切肥美，油香四溢嘅香煎鵝肝，和一塊超好食嘅牛肉！牛肉外脆內軟，外層有一層薄薄嘅焦糖漿包着，入口甜甜地，咬落去就食到牛肉嘅麻香，味道和口感層次分明，超正～☺️ 平時食鵝肝多士過百元一定走唔甩，所以呢道菜真係抵食！一定要再encore！💕 ⭐️推薦❗螞蟻上樹 Stir-fried Vermicelli with Savory minced Pork（$168）小編最鍾意食粉絲，又鍾意食辣，螞蟻上樹就啱晒我啦～☺️ 粉絲炒得好乾爽，又吸晒豆瓣醬汁嘅精華，豬肉粒掛在粉絲上，香辣惹味！😋 ⭐️推薦❗椒鹽脆皮小羊腿 Crisp-fried Lamb Shank（$328）羊腿上枱嘅好震撼，有成個拳頭👊咁大！相機📷打完卡之後，店家就幫我哋切開隻羊腿啦～☺️ 烤得外酥肉嫩，超惹味多汁，重點是一點羊羶味都沒有！淋上羊肉汁，搭配特製椒鹽蒜酥，重口味之選！鮮薑汁萵筍Jade Vegetables Stir-fried with Ginger sauce（$148）萵筍鮮嫩爽口，加上鮮辣嘅薑汁，可以去一去烤羊腿嘅膩感，係相當唔錯嘅下酒菜！不過略嫌份量比較少。佳餚當然少不了雞尾酒的搭配啦～😏 「Chilli Fagara 麻辣燙」有好多特色Cocktails，部份更用上紅辣椒🌶️或四川花椒、八角等香料，好特別！😳 有辣有唔辣，任君選擇～😎 ⭐️推薦❗ Chilli Fagara Fizz（$138） Ingredients同Whiskey Sour差不多，唯一不同嘅係加左中式嘅元素：薑和功夫茶，味道比平時嘅Whiskey Sour更清新～ Sichuan Smash（$138）以Vodka做base，加左青檸、紅辣椒🌶️和功夫茶，味道辣辣哋，幾新穎嘅感覺，不過個人比較鍾意Chilli Fagara Fizz多啲。整體來說，「Chilli Fagara 麻辣燙」可以話係我食過後一定要再訪嘅餐廳。菜式正宗，擺盤精美，環境優雅，價錢相宜，我地當日坐無虛席，所以記得要book枱～仲有4道菜行政午餐 4-course executive lunch，$348/位，下次要試下！😏 網頁Webpage：https://www.chillifagara.com https://guide.michelin.com/hk/zh_HK/hong-kong-region/hong-kong/restaurant/chilli-fagara 地址：麻辣燙 (中環) 中環蘇豪奧卑利街7號地舖營業時間：星期一至日：11:30-15:00，17:00-22:30 #中環 #米芝蓮 #鵝肝 #中菜 #雞尾酒 #推薦 #中菜館 #小店 #香港美食 #四川菜 #川菜 #Michelin #Spicy #Set Lunch #香港美食 - 港島區 #中環美食 #麻辣燙 #米芝蓮推介 #foie gras #Chilli Fagara #香港美食推介 #Chilli Fagara麻辣燙 #Siganture Cocktails #Lamb #Cocktails #螞蟻上樹 #椒鹽脆皮小羊腿 #行政午餐 #鍋粑 #Executive Lunch (此文章由U Blog 同步發佈至社群)...更多