尖沙咀泰式餐廳，食物大份夾好食？

ASOK THAI GARDEN 📍尖沙咀亞士厘道37號地舖 今次我地去左尖沙咀一間環境唔錯既泰式餐廳,餐廳泰式中帶點西式,暗既燈光幾有情調,座位都幾特別,有榻榻米,仲有張bar枱位😁 冬蔭功海鮮湯($138) 冬蔭功湯既材料好豐富,有勁多菇之餘,最正就係原隻超大蝦,淨係個蝦頭都成個湯羹size咁,隻蝦肉質彈牙好正,個湯都好飲,辣度比較少,算係偏酸多🦐 香茅烤豬頸肉($98) 豬頸肉有3大塊,每一大塊係分成6片,即係總共18塊平時豬頸肉湯河既肉咁樣,分量多得好驚人,佢燒得好香,鎖住肉汁,$98一份真係必點之選🐷 黃咖哩(牛)($98) 白飯改配印度煎餅(+$18) 呢個咖哩既辣度岩岩好,味道帶點椰香,佢既牛係用牛腩,唔係牛肉片,一般有得揀豬牛雞既咖哩都係用牛肉片,呢度用牛腩真係好抵讚,牛腩好好食,肉好嫩,再配簿餅食夠曬風味🐮 泰北蟹肉金湯烏龍麵($158) 呢碗烏龍麵既湯底幾得別,係好杰既湯底,夠曬濃味,同埋都辣,旁邊既蟹肉麵好好多,蟹肉都好鮮味🦀 芒果糯米飯甜筒($68) 甜品餐廳可以即時要求寫上happy birthday或者happy anniversary,想比驚喜身邊既人就最岩啦,雖然今日唔係我生日,但都寫番隻字開心下先,個甜筒倒轉放係糯米飯度又幾靚,雪糕係椰子味,都好香甜,滲埋入d糯米飯度充滿椰香🌴🥥 凍泰式奶茶($42) 杯泰奶帶點cafe既西式風格用樽上,奶茶好滑同埋微微既椰奶味唔會太搶,係杯好既泰奶🧋 呢度環境靚之餘,食物有質素又大份,我都失預算嗌多左,同埋我好彩早入座6:30黎食,7點已經爆滿人要排隊,如果過黎食book定位就最好😉 #美食#美食推薦#美食日記#香港美食#尖沙咀#尖沙咀美食#泰式料理#泰國美食#冬蔭功#芒果糯米飯#蟹肉烏冬#咖哩#豬頸肉#hkfood#hkfoodie#hkfoodblogger#hkfoodblog#hkfoodstagram#hkfoodlover#hkfoodpic #泰菜#泰國美食#泰國#打卡美食#美食推介#Foodie#UCreator