尖沙咀高質韓燒特色夏日煙燻套餐

約咗朋友去海港城行街，順便食埋飯，行過呢間韓燒見到個2人餐「夏之煙燻盛饌」($1088@2)都幾豐富，除咗有韓牛同和牛燒肉，仲有醬油海鮮拼盤同麵食。 韓式前菜 坐低店員就會先上啲前菜可以食住先，有成8款咁多，好似有泡菜、菠菜、芽菜、薯蓉、蓮藕、海帶等等，非常開胃，食哂亦都可以refill。 煙燻蘋果木豬五花(配生菜) 呢個套餐嘅主角就係呢碟煙燻蘋果木豬五花，上枱時店員會用玻璃罩蓋住五花肉，進行煙燻，當一打開蓋啲煙霧就會四散開黎，煙霧彌漫好似去咗仙境咁，仲會聞到陣陣煙燻香味。五花肉燒到焦香，食落有淡淡嘅蘋果木香，夾埋生菜同大醬一齊食仲可以中和油膩感。 醬油盛合 有3款醬油漬海鮮，分別係大蝦、帶子同鮑魚。海鮮已經醃到入哂味，濃濃嘅醬油香加上海鮮本身嘅鮮味，鹹中帶鮮甜。大蝦同鮑魚口感爽彈，蝦頭仲有勁多蝦膏，帶子水嫩有彈性。 燒肉拼盤 一共可以食到4款牛肉，有韓牛亦都有和牛。如果驚自己燒得唔好都可以搵店員代勞。 -韓牛牛小排：肉質腍嫩又多肉汁 -和牛外裙肉：牛味濃郁又夠腍身 -和牛牛肋肉：油脂豐富，入口即融 -和牛牛舌：雖然薄薄一片，但口感非常爽彈 雪梨水冷麵 跟套餐仲有水冷麵或者炸醬麵，我哋就揀咗水冷麵，冰冰涼涼，味道清新，啱晒食完燒肉之後食。 是日甜品 甜品就有Tiramisu，咖啡味香濃，質感幼滑。 。 。 雪下覓炙 (尖沙咀) 尖沙咀廣東道3-27號海港城海運大廈地下OT G47-48號舖 。 。#雪下覓炙 #seolhamyeok #koreanrestaurant #koreanbbq #hanwoo #wagyu #和牛 #肉食 #韓牛 #韓燒 #韓烤 #燒肉 #韓國 #高級燒肉 #燒肉餐廳 #高級餐廳 #koreanfood #구절판 #傳統 #美饌 #傳統美食 #bookatable #韓式美饌 #Smokedporkbelly #porkbelly #Smokyporkbelly #Summerspecialfeast #夏之煙燻盛饌套餐 #韓國 #和牛 #傳統 #韓燒 #韓牛 #燒肉 #koreanfood #韓烤 #傳統美食 #wagyu #美饌 #高級餐廳 #肉食 #koreanrestaurant #雪下覓炙 #koreanbbq #porkbelly #燒肉餐廳 #seolhamyeok #hanwoo #高級燒肉 #구절판 #bookatable #韓式美饌 #Smokedporkbelly #Smokyporkbelly #Summerspecialfeast #夏之煙燻盛饌套餐 (此文章由U Blog 同步發佈至社群)