旺角必試推介！高級感西日fusion餐廳 - QUE

位於MOKO新世紀廣場嘅 QUE 係一間日式和西式嘅fusion餐廳，食物主打係日式丼飯，特色壽司，仲有西式意粉等，食物種類好多，餐廳裝修又有高級感，真係好吸引，食完真係覺得好好味好值得推介。😋 QUE 嘅店舖裝修非常日式，有好多好靚嘅打卡位!😍 全店用了淺色木為主色調，傢具都係用淺色嘅木製傢俬，開放式的設計令店內空間感十足。店前方係吧枱位，可以見到壽司師傅係到整壽司。店內仲有好靚嘅和式卡位，靠近玻璃窗，唔單止坐得舒服，打卡仲好靚!😍 ～鰻魚玉子壽司塔可 🍣🌮 $72 前菜揀咗佢哋嘅獨創菜式-壽司塔可，揀咗鰻魚玉子壽司塔可。呢個塔可真係好正，外觀好靚，壽司係有四層唔同嘅食材，上層係燒鰻魚，跟住係玉子燒同沙律菜，最底層係壽司飯，之後再用炸過嘅紫菜包住成個壽司，再將佢夾到似倒轉嘅三角形擺放在紙架上，好特別好靚 😍 食嘅時候可以好似三文治咁夾住拎起一齊食。🥪 😍食落鰻魚肉質鮮嫩，蛋好香滑，沙律菜新鮮，中間仲有醃蘿蔔，米飯粒粒分明，而紫菜炸得鬆脆，夾埋所有野一齊食，真係好夾！好好味又開胃😋 ～軟殻蟹意粉配蟹肉番茄忌廉汁 🦀🍝$158 主食試咗佢哋其中嘅招牌軟殻蟹意粉配蟹肉番茄忌廉汁。軟殻蟹好大隻，炸到金黃色，肉質好鮮味，蟹味濃郁。意粉煮得啱啱好，撈滿好香嘅番茄忌廉汁，表面仲灑咗芝士碎，真係色香味俱全😋 不過意粉個番茄忌廉汁，忌廉有啲太濃，食完會有少少膩😂🍅🧀 如果個汁少啲可能會再好味啲！佢哋嘅獨創菜式壽司塔仲有好多款式，好似有帆立貝，海膽，辣味三文魚等唔同口味，樣樣都好吸引，下次黎會想再試其他款式😋😋！👍🏻 QUE (MOKO新世紀廣場） 📍旺角太子道西193號MOKO新世紀廣場4樓453號舖推介程度：❤️❤️❤️❤️❤️ #高級感 #西日fusion #餐廳 #fusion #文青 #咖啡 #cafe #日本 #日系 #QUE #日本菜 #熱門菜式 #必試 #推介 #旺角 #攻略 #打卡 #chill #週末 #下次要再食 ...更多