我諗我真係一個鬼佬

絕對不是鬼妹 今日去完新潟神楽三俣滑雪回程等巴士時同咗兩個洋人吹水⋯⋯完來又係袋鼠國洋人(點解連續兩日都係有袋鼠人搭訕？其實周街/周山甚至成間旅館都係香港同鄉但冇一個人同我講過廣東話！) 話說呢兩個一老一嫩嘅洋人係澳洲偏遠地區嘅鑽油公司同事，其中一個自十年前起每年都嚟一次，每次只少留兩個禮拜。平時都係自己一個人滑雪…(點解咁似我嘅行徑？) 澳洲嘅鑽油開礦公司應該係出最多糧，做最少嘢而又最多假期嘅行業。呢個行業從多年前已聲稱要請多啲女性而達致男女比例平均…但我一聽到已經no thanks 冇興趣。喺呢啲偏遠地區如果一支公係幾不錯嘅選擇，甚至可以發達。但係如果有家室就好大問題 (唔通你叫我個小朋友喺鑽油台上返學?佢哋話上鑽油台要搭兩個鐘頭直升機!)我有合理理由懷疑呢兩個麻甩佬係冇家室嘅，後生嗰個連放假都搵同事去玩。 我趁呢個機會問佢地作為澳洲人對Snowy Mountain 滑雪嘅評價。老嗰個同我上一篇個觀點一模一樣(尤如韓國雪質,極高收費)，嫩嗰個因為係維州人所以梗撐㗎。如果價錢一樣，有溫泉、魚生、粉雪咁你會點揀？ 之後我獨自一人去咗靑酒試飲… #澳洲鑽油行業 #新潟滑雪 #Snowy mountains (此文章由U Blog 同步發佈至社群)