2023/12/11

貴州人親自打理！黔川味道．貴州米線

#MC帶你去太和 . 「黔」，即係貴州省嘅意思，究竟同「雲南米線」有咩分別呢😜？！ . ✨ 黔滋味老闆娘係貴州人，從米線、湯底、用料，都係親自挑選、烹調☺️，連食材、用料都由貴州購入，就係還原貴州米線嘅原味道🤤。 . 🥢 鮑汁豬軟骨粉（小辣） $60 豬軟骨肉質厚而十分軟嫩，而且切好一嚿嚿，唔會一大嚿骨咁，食得好方便🥰。貴州米線比較粗身，食落好彈牙、好滑身，唔會一夾就斷👍🏻，就算擺耐咗都唔會太軟淋又無咁易發漲。所以一開始以為好細碗米線，食食下又飽肚啵🤭。 . 🥢 紅燒牛肉粉（中辣） $60 [推薦] 牛腩肉質非常軟腍😋，而且數量都幾多，好足料‼️中辣唔會死辣，帶少少麻，食得出唔係落辣椒粉去加辣度🌶️，所以有一層薄薄紅油，但食落又唔覺好油膩👌🏻。 . 🥢 涼拌豬耳（小辣） $38 調味幾好嘅開胃菜，依個小辣比起米線嘅小辣會再辣多少少🌶️，但好惹味😍。豬耳香辣又夠曬脆口，仲好足料㖭，成碟都係豬耳，下面無擺其他嘢墊底💯。 . 🥢 麻辣小魷魚（小辣） $50 [推薦] 麻辣魷魚喺必嗌‼️必點‼️必食‼️魷魚好大隻，有手掌心咁長，食落好爽口彈牙😝，麻辣同魷魚味道超級夾，推薦大家！ . 🥢 蜜桃烏龍茶（熱） $12 [推薦] 成壺上嘅連埋茶包嘅蜜桃烏龍茶，都幾加分💯，飲落蜜桃味好香好濃厚，推薦大家！ . 🥢 檸檬茶（凍） $10 500ml 啤酒杯🍺上嘅凍檸茶，仲要有檸檬片🍋，唔係用濃縮檸檬汁沖出嚟，$10依個價，依家買少見少😍。 . 🥢 自家製辣椒油 [推薦] 依個老闆娘自家製嘅誠意之作，除咗炒香啲辣椒🌶️，老闆娘仲透露，落咗貴州茅台去調味😱，所以辣椒油更加香醇，食辣嘅朋友唔好錯過😜。 . ⭐整體︰9.0/10 ⭐食物︰9.5/10 ⭐環境︰9.0/10 ⭐價錢︰8.5/10 . 📍 黔滋味地址：太和安慈路2號八號花園第二座地下3號舖 . #Ming _Course #hkfoodie #foodiehk #hkfood #hkfoodblogger #週末好去處 #拍拖好去處 #情侶好去處 #香港小店 #大埔區美食 #太和美食 #太和一日遊 #太和好去處 #香港美食 #香港美食打卡 #香港美食攻略 #香港探店 #本地遊 #香港一日遊 #香港好去處 #太和 #黔滋味 #小鍋米線 #米線關注組 #貴州菜 #貴州米線 #我想收聖誕禮物 ...更多