2024/12/08

米芝蓮推介筲箕灣上海菜餐廳

一家今日要介紹喺筲箕灣形薈商場入面有一間米芝蓮推介嘅上海菜餐廳叫「一家」，叫得做「一家」菜式點都啱一家人嚟食，一入到去餐廳算幾大，通道唔窄，牆上勁多打卡位，店員對我嘅招呼感覺好似一家人咁，坐低無幾耐就遞上一壺四寶茶，最後我叫佢哋介紹幾樣熱門菜式畀我食！ 1.藤椒豆干絲炒苦瓜$88（8.5/10）呢碟豆干絲炒苦瓜個苦瓜都唔算太苦，藤椒唔辣，如果辣少少會更好味！ 2.酸菜魚配白飯、前菜同例湯$78（9.5/10）呢個套餐簡直性價比高，首先前菜係青瓜，之後就到一大碟酸菜魚，酸菜魚唔算太酸又唔會好辣，味道啱啱好，其他配料仲有酸菜芽菜寬粉等，仲跟一碗白飯同例湯，好鬼豐富！ 3.一家蔥油白切雞$138（9/10）呢碟蔥油白切雞聽店員講佢哋係用上海直運嘅蔥，雞係用走地雞，所以雞肉肉質比較結實，如果嫩滑多少少會更好！ 4.小籠包$58（9.5/10）呢籠小籠包入面勁多湯，皮薄肉鮮，一共有4個小籠包！ 5.炸芝麻團$48（10/10）呢碟炸芝麻團一咬落去熱辣辣，一定係即叫即炸，外面鋪滿咗黑白芝麻粒，一咬落去勁多黑芝麻餡料流出嚟，唔算好甜，勁好味，一共有5粒炸芝麻團！ 6.懵盛盛大嫂（白桃、蔓越莓、汽水）$34（7/10）呢杯「懵盛盛大嫂」飲品唔係幾啱我，除咗甜度有少少甜之外，汽水個汽蓋過哂本身嘅白桃同蔓越莓味道！ 7.滋潤養生茶（紅棗、杞子、金銀花、決明子、牛蒡等）$40（9/10）呢杯滋潤養生茶入面用咗好多材料，有紅棗、杞子、金銀花、決明子、牛蒡等，配料多過平時阿媽煲嘅湯，店員仲話呢個養生茶每星期會轉一次，所以今日我飲到呢款，你哋未必飲到呀！ 2人總共價錢$550，茶芥每位$8，其他有加一服務費！個人口味總評分：8.79/10 @yijia.hk 地址：筲箕灣筲箕灣道393號形薈地下G04號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #一家 #上海菜餐廳 #上海菜 #米芝蓮推介 #筲箕灣好去處 #筲箕灣 #筲箕灣美食 #形薈 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong #拍下珍貴時刻 #倒數聖誕 #靚住過聖誕 #momentswithucreator #ucreatorhk #travelwithucreator #ucreator #打卡美食 ...更多