攝影師Coral育嬰日記：半歲親子旅行

隨著疫情降溫，身邊好多朋友陸續出國玩，我也蠢蠢欲動，為左實現1歲可以帶BB去日本旅行，決定趁機會先小試牛刀實習一次，剛好爸爸同BB半歲生日只差一天，就安排了兩天一夜的澳門小旅行，先體驗一下。 由決定到出發大概是10天時間，第一次親子旅行，為免以後對帶BB去旅行有陰影，決定帶埋工人姐姐一齊，這個決定在旅程結束後覺得非常正確。 今次入住選擇了漁人碼頭的萊斯酒店套房，週末來說價錢非常合理，星期六入住海景套房連同加床是$2700，酒店裝修很迪士尼式的復古風格，雖然酒店只有三星級，但服務也不馬虎，看到我們帶BB入住，提供嬰兒床、嬰兒浴盆等設施，非常貼心。 這個套房房間中間有房門分隔，又設有2個洗手間，私隱度可能比在屋企更高呢。 另一個重點行程是去食自助餐，澳門酒店自助餐相比香港酒店的平靚正，BB踏入加固期，好期待同BB一齊食嘢，最後BB 可以食嘅食物只有西瓜和哈密瓜，比佢自己拎住食物，學習將食物放入口，可愛到不得了，有食物比佢玩下食下，輕鬆陪我哋坐低食足3小時。 唯一有點小不便是，我選擇的JW酒店自助餐，沒有母嬰室，需要親餵的時候唯有用餵奶巾，後尾走的時間經過附設的商場，原來商場設有母嬰室，酒店職員卻沒有提點我們，還建議我到洗手間餵。 食完自助餐就回酒店check in, 酒店好多位影相都靚，周圍影下相，同BB 玩下，沖下涼，咁就黃昏時間，午餐食太飽關係，我們隨意在漁人碼頭附近超市補給了些食物，就沒有正經坐下來吃晚餐了。 沿途經過了一間母嬰用品店，現在真係很喜歡逛這些店，看下嬰兒玩具用品，比起逛服裝店更開心，重點老公也喜歡看，不會話在門口等我看完，或總是投訴我看太久。 話晒第一次出門去旅行，都會擔心BB 水土不服，我決定準備即飲水奶加即食粥比BB, 解決了擔心食水不潔的問題之餘，真係好方便，唔駛左沖右沖，又要消毒，又要等攤凍，到第二日飲到7788嗰陣時，又可能騰出空間放手信戰利品。 第二日早上我們退房前還在浴缸跟BB 玩水，有小朋友後的旅行模式有點不同，不過放慢腳步的行程也不錯，反而得到真正的放鬆。 準時11點退房，很多房客同時離開酒店，前台幫忙叫的士也應接不暇，幸好朋友溫馨提示我，一早下載了電召的士的APP,電召的士的車輛是紅/藍色的，車箱是大一點的7人車款，起標收費跟普通黑色的士一樣，只是藍色好像載客量更多，會貴$5。 退房後我們到大三巴影張打卡相，真係熱到好誇張，好在旁邊有間UNIQLO 可以嘆冷氣避一避暑，跟住在大三巴附近買左D 手信就坐巴士回港珠澳大橋了。   回家後才下午4點，又回復平時在家那種忙碌，總括來說今次是一個很好的體驗，不算很累（主要因為有姐姐）有足夠信心應付下次的日本之旅，諗起都覺得好期待啊～ #澳門 #親子活動 #澳門旅遊 #親子旅行 #BB旅行 #半歲 #澳門旅行 #帶BB 去旅行 (此文章由U Blog 同步發佈至社群)