~女生的第二個胃~♡
簡約木系裝修好吸引；甜品、生果都好吸引。。。咁就吸引左入去叫左個蜜瓜甜品
🍈🍧🥞奧斯蜜瓜雪山熱香餅$98
賣相100分，左右隔離嘅食客都會被吸引住，影相打卡超吸睛👀。不過影相要快喎，因為裡面嘅雲尼拿雪糕都融得幾快🍦
擺盤好靚，脆米、杏仁片、蜜糖伴碟，令賣相更錦上添花。
星星脆米花又好靚，脆卜卜配上軟綿綿嘅熱香餅一齊食，增加了嚼口感。
熱香餅嘅軟腍程度接近梳乎厘班戟一樣咁輕柔綿密，而且蛋香味很濃，混合奶香味濃郁嘅雲尼拿雪糕一齊食，又凍、又有雲尼拿奶香、又軟綿綿，真係好正👍👍
裡邊仲有翠綠色嘅啫喱，夠Q彈，又另一翻口感。
蜜瓜清甜，有咬口，用刀叉去食蜜瓜真係第一次。
呢個甜品嘅擺盤、味道足以made my day😃🥰
Ocio
📍鑽石山荷里活廣場2樓
