2024/04/09

【馬鞍山 | 釜山炸雞批薩🍗｜給自己一個韓式派對🎉】

【馬鞍山Busan釜山炸雞批薩🍗｜給自己一個韓式派對🎉】間中都會返馬鞍山渡下假，曾經被譽為美食沙漠嘅山區，已經今時唔同往日喇！今晚同屋企人安坐家中就歎到韓國釜山嘅美食啦！外賣自取帶回家，開個小式韓式派對先！食咗咩？ 🇰🇷五味炸雞故名思義，有五款不同口味嘅味道，包括：雙重芝士、經典原味、蜜糖芥末、特色甜辣和洋蔥蛋黃。雞炸得金黃，全部無骨，大細差不多，排好隊係個盒內，打開好似寶盒咁興奮！我自己最鍾意係特色甜辣，酸酸甜甜咁，好開胃！ 🇰🇷焗芝士粟米錫紙兜焗，芝士味濃之餘仲有甜甜蜜蜜嘅蜜糖。 🇰🇷無骨豬腳同係韓國食開嘅一樣，仲配埋生蒜、韓國辣椒醬和生菜，可以包住食，韓國風返晒嚟。 🇰🇷水冷麵其他食物要趁熱食，傳統嘅水冷麵會有冷塊係麵中保持冰凍感覺，要趁凍食呢！屋企和餐廳比較近，所以拎到上樓都依然冰凍。水冷麵用上幼身嘅蕎麥麵，煙煙韌韌好有嚼勁！湯底帶果酸，相信有檸檬汁等味道，附有一小瓶醋食嘅時候加上去。麵頂有烚蛋、醋蘿蔔同青瓜，爽爽口感食入口有冰涼感覺！ 🇰🇷炸醬麵睇韓劇見好多食炸醬麵嘅情節，炸醬麵好受韓國人歡迎，可說是「國民料理」呢！韓式炸醬麵最重要就是深黑色嘅醬「春醬」，一種用豆製成嘅醬，再混入薯仔粒、肉粒、等製成。可以一讚係，炸醬淋係麵上面都無因為咁而影響到麵質，打開蓋後直接用筷子打圈咁將炸醬麵撈撈撈！過程都幾治癒㗎！邊撈邊聞到炸醬麵香味，打開晒個好奇心同興趣呢！ 🏠釜山炸雞批薩 Busan Chicken Pizza 📍馬鞍山鞍祿街18號MOSTown Street 新港城中心大街(2期)地下23-26號舖 #馬鞍山美食 #新港城美食 #釜山炸雞批薩 #busanchickenpizza #好好食 #炸雞 #水冷麵 #韓式料理 #韓國美食 #外賣自取 ...更多