2024/09/04

店面會完全被你忽略的「京都立食蕎麥麵」好味推介🫶🏻

進入社群創作有價企劃行列第二階段,我除繼續運用日文一級能力為大家上網搜羅與日本期間限定情報､打卡資訊及優惠情報外,希望大家從我的文章亦會得到一絲快樂,舒緩每天工作的辛勞🫶🏻 ———————— 京都呢間立食蕎麥麵店, 如果你唔識佢, 真係未必會行入去 , 因為其實佢個店面真係好隱世｡但就會好多人排隊, 建議非繁忙時間去就容易啲｡入到去冇得坐, 放袋､掛衫既位置都冇｡想要舒服精緻既人就唔建議去啦｡但味道就真係有質素既, 佢除左入左食評網百名店既一份子之外, 我仲爬過好多食評, 啲網民都話就算企喺度食都覺得好味既👍🏻 你唔好以為店主好求其放兩張枱喺舖頭入面就算呀, 唔講唔知嗰兩張稍稍有啲傾斜既枱係藝術作品黎架! 見圖9, 係藝術家橋本知成既陶藝作品｡好好笑架, 啲網民話放碗麵去個枱面時, 個湯係會有少少傾斜左架｡不過都搵到地方放得穩去食既,放心｡我自己覺得店主係想行藝術工業風, 你見店主影既相都好Raw好有Feel架! 呢間舖主打係賣蕎麥麵, 啲人話佢個湯頭係精髓💛 除左佢店舖既名物溫泉蛋牛肉蕎麥面係人人都讚好味之外, 最近好多人試過佢個酢橘無花果冷蕎麥麵都話好好味😋 佢呢個無花果蕎麥麵除左舖得好靚(圖4), 好適合打卡之外, 無花果既甜味再配上佢個湯底, 試過既人都話好清新､好夾､好好味｡佢每日個menu都可能會有唔同, 如果遇到呢個酢橘無花果的話, 都建議大家一試｡其他仲有好幾款麵, 咁曾經多人讚既口味我就出左相俾大家睇, 星期四限定既嗰款咖喱蕎麥麵係話由嵯峨野Happy Curry監修既, Happy Curry又係另一間受居民推崇既咖喱店 , 所以佢地合作都有品質保證既｡咁因為呢間係立食既關係, 雖然繁忙時間要等位, 但啲人食完就走, 所以都係唯一慶幸既地方｡如果完全唔想等位既話, 可以考慮例如下午5點呢啲早啲既時間去到, 咁應該都唔駛點等既｡店名:すば營業時間:12時-23時地址:京都府京都市下京区木屋町通松原上ﾙ美濃屋町182-10 去開日本玩既可以睇埋我另外一啲post, 或者去我地圖睇下, 睇下附近會唔會有我介紹過既地方? 全部都幾有趣既分享黎架! 想知道更多日本新奇有趣既event記得關注我啦‼️你既關注為我帶來寫文章既動力🤝 ———————— 所有圖片來自IG(@subasoba)｡ ———————— 如果大家見到有咩優惠/活動,但因為日文而唔識睇,可以話我知,我可以繼續出POST 話俾大家知｡想知更多優惠/活動資訊,就FOLLOW 我俾D動力我啦! THANKS. #ucreatorhk #ucreator #momentswithucreator #日本好去處 #日本之旅 #日本 #日本食玩瞓 #日本旅行 #日本自由行 #日本旅遊 #日本攻略 #日本旅遊攻略2024 #日本好玩景點 #日本event #event #打卡美食 #打卡 #打卡餐廳 #打卡好去處 #打卡甜品 #打卡蛋糕 #打卡必去 #打卡able #chill賞遊世界 #相機食先 #京都 #京都旅行 #京都自由行 #京都美食 #京都之旅 #京都旅遊 #京都攻略 #京阪神 #蕎麥麵 #翻譯君美食合集 ...更多