【旺角泰國菜】La Maison D'elephant 象屋．泰式半自助餐 2021 . 情侶必去餐廳 超級高質 !!
La Maison D'elephant 象屋泰國餐廳位於旺角東新世紀廣場4樓 - 主打新派 fusion 特色泰國菜
餐廳佔地超過3000呎 , 一直以健康無添加菜式和創意料理聞名 , 更有米芝蓮泰廚坐鎮
因為女朋友一直好鍾意食泰國菜 , 收藏呢間好耐話一直想同我去試
女朋友睇左呢位youtuber嘅介紹嗰個$398情侶套餐 , 就即刻叫我同佢去食
(好難book位 )
聽聞佢哋2021年最近新出咗泰國菜半自助午餐 , 見到好多網友都讚呢個泰式自助餐
星期六日一直book唔到位 , 於是咁啱星期三放假我哋就一齊去 !
La Maison D'elephant 象屋半自助午餐價錢實在超級便宜 ! 由 $108 起 , 你只需要點一個Lunch-Set 便可以享用半自助餐 , 雖然價錢不貴但是食物質素絕不馬虎 , 當天所見有超過10款泰式自助餐食物 : 例如青木瓜沙律 , 泰式無骨鳳爪 (呢個強力推薦超好食) , 炸雞肉條 , 春捲和雞胸肉酸辣沙律等等 性價比極高 ! 基本上食完前菜已經飽曬
去到唔記得影個Lunch Set Menu , 佢哋IG擺曬所有餐牌 , 都會發佈優惠資訊 ( 不得不說佢哋經營設計得好靚 ) @lamaisondelephant
去到後我哋被安排坐喺靠窗邊位置, 現場所見環境好舒服 , 枱與枱之間有一段距離 , 唔會太大壓迫感 , 同埋好有泰國設計風格 , 好多特色擺設同埋屏風 , 有之前去泰國曼谷高級泰國餐廳嗰啲感覺 :) 同埋不得不讚店員服務態度非常好同埋好有禮貌!
我就點咗個招牌菜 - 泰式脆炸銀鱈魚 ($218) 本身我好鍾意食魚 , 估唔到泰國餐廳有炸銀鱈魚 ,
食得出係新鮮銀雪魚 , 唔係急凍嗰啲 , 配上餐廳獨家調製嘅酸甜醬汁 , 呢度菜真係超級好食 ! 泰式脆炸銀鱈魚也是香港非常少見的泰國小炒美食，炸得得十分惹味。奉勸各位呢度一定要點呢個菜 你會明點解我話咁好食 !!
女朋友來之前就已經想食 冬陰功意大利飯配原隻脆脆軟殼蟹 ($188) 因為佢本身 ig睇到相已經比外表吸引咗 , 聽聞係餐廳全港首創嘅獨家創意泰國菜式 , 估唔到真實嘅嘢食嚟到嘅時候真係咁靚 ! 佢話炸得好香脆 , 我都食咗佢少少 , 冬陰功飯真係好鬼吸引 , 配埋蔬菜同埋軟殼蟹飽落口個感覺真係好舒服 , 最重要係食完唔口渴 , 食得出係真係冇落味精
去到最後我哋就食慕名而來嘅甜品 - 象屋芒果白糯米飯沙冰 , 原來係全香港獨家首創嘅芒果甜品 , 嚟到嘅時候女朋友已經心心眼急不及待要打卡 ( 所以話女仔真係好鬼鍾意甜品 lol)
係用新鮮泰國水仙芒即叫即整 , 芒果選用的是不少人的「最愛」泰國水仙芒，果肉厚實，味道清甜多汁。澆上椰奶，融合底層嘅芒果糯米飯，令整體味道更豐富，口感更上一層樓。雖然份量精巧，但是賣相精緻，作為飯後甜品就剛好。
佢哋仲有另外一個芒果自創甜品 - 芒果黑白糯米二重奏伴芒果星球
( 飲完杯野揸住個杯影啲文青相 , 真係嘔血 ~ )
提提大家, La Maison D'elephant 象屋半自助午餐平日同假日都有 , 記得三點前要嚟到啦
女朋友已經表示好想再過嚟食 , 同埋試佢嘅晚餐
La Maison D'elephant 象屋
* 地點 : 旺角太子道西193號MOKO新世紀廣場4樓453號舖
* 半自助午餐供應時間 : 11:30-15:00
* 預訂電話 : 2386 6882
https://www.instagram.com/lamaisondelephant/
#香港美食 #泰式半自助餐 #泰式自助餐香港2021 #泰式自助餐香港 #旺角泰國菜 #香港美食2022 #旺角泰國菜 la masion delephant #旺角拍拖餐廳
(此文章由U Blog 同步發佈至社群)...
更多
下載 U Lifestyle應用程式
香港經濟日報版權所有©2025
