滋賀縣琵琶湖 近江八幡|走地雞cafe|

相信大家對於貓貓cafe都唔陌生、而大阪亦都有個貓頭鷹cafe，但係走地雞cafe你又聽過未呢？仲係走地雞嚟㗎…… 呢間咁有特色嘅古民家cafe叫ゐ処 | 滋賀 永源寺 當日嘅主食只得天津麵，只得天津麵？！無錯… 當天嘅廚師發板就只得天津麵，不過真係非常好食，湯底濃郁唔油膩，面質爽彈，配料有蛋、木耳、櫻花蝦 及炸乾蔥，雖然配料種類唔多，但食材及調味料天然，已經足夠好味，包咗杯飲品，飲品並不是普通嘅奶茶咖啡，店家夫婦極力推薦我哋飲豆乳紀州梅特飲，係用自家醃製嘅梅醬所沖製，成個餐盛惠1500yen。 我哋食麵嘅地方係响餐廳嘅吧頭，當我哋食完碗天津麵之後，就被邀請去cafe那邊坐，然後就奉上那杯自家製嘅豆乳紀州梅特飲，自家製嘅酸甜梅醬混合濃濃嘅豆乳非常好飲。 Cafe那邊環境非常有文青氣息，寫意又夠chill，最緊要係我哋被安排最靚嘅位置，可以欣賞到庭園裏面嘅走地雞，牠們正開心地玩耍、追逐、嬉戲…… 身為都市人嘅我哋，覺得好睇過連續劇。 齋睇文字唔夠喉？！唔怕…呢集已經出咗片喇，有興趣請click入去我哋魚堅日記嘅YouTube channel #日本 #琵琶湖 #日本自由行 #日本自由行攻略 #露天風呂 #滋賀縣 #日本溫泉酒店 (此文章由U Blog 同步發佈至社群)