Jeju & Busan| 釜山濟州 |沿海地區打卡8日7夜遊(1)

睽違3年，covid變風土病，全世界都開放之時，終於忍唔住去左一次8日7夜既旅行✈️實在太耐無去旅行，喺計劃行程既時候記得要🔎check埋passport同其他證件有冇過期，基本上都要有6個月或以上有效期比較穩陣哦！😉😉 撞正五一黃金週，其實最怕係旅遊景點同祖國既同胞一齊逼，餐廳又會多人排隊，旅行就變左等等等同逼逼逼😩咁啱睇到航空公司有email，直飛濟州有優惠，即刻睇下有咩班次啱啦👀 香港直飛✈️濟州大概3，4個鐘，逢禮拜二，四，日有直飛航班。最後揀左禮拜日去，禮拜日返。點解咁揀？因為朋友去過濟州島，今次想去釜山，而濟州島飛釜山內陸機只需要1個鐘😳咁所以我第1，6，7日會喺濟州島，2-5日會喺釜山，一次玩曬兩個沿海地區❗️❗️ 來回濟州直飛機票+20kg行李=$1,784+$610=$2,394 來回釜山內陸機票（包15kg行李）=$1,300 所以機票+行李=$3,694✅ ------------------------------------------------------------------------------------------------------ DAY 1 IN JEJU 香港(HKG) ➡️ 濟州(CJU） 韓國時間係會快香港1個鐘，所以飛行3個鐘去到，會係香港時間5點幾，韓國時間係6點幾，凌晨機雖平，但唔好既係，機場咩都未開，即係找換店，cs counter，cafe都未有人架，有間egg drop但開7半😭。所以提前換錢係MUST❗️❗️ 5月既濟州島，仲係十幾度既溫度，中午出太陽既話會有廿幾度，但太陽落山就會比較涼，晝夜溫差大，所以一落機行出機場，就係一陣陣既涼風，短袖一定會凍親🥶由於周圍咩都未開，第一時間就只能夠去酒店擺低行李，然後再出去覓食。 ------------------------------------------------------------------------------------------------------ 機場 ➡️ Dodubong Hotel DDB酒店 機場一出已經有巴士站，如果酒店近巴士站既，而又有準備好t-money卡既，搭巴士會係唔錯既選擇，一程大概$1,150 won（港幣7蚊）。但巴士有機會比較多站，的士比較直接快捷，如果幾個人又唔識渣車冇打算租車自駕既，其實搭的士性價比高又方便，起錶$3,300 won。 但如果有國際車牌，又2個人或以上，我都強烈建議自駕游！隨時出發隨時停，🅿️停車位又多，路又闊，地方又大，真係自駕游最方便！機場過對面馬路就有得租車，或者搭的士🚕 濟州島大概可以分開東北，東南，西北，西南4條路線去玩，由於濟州島本身就係一個四面環海既島，所以邊條路線其實都可以住近海邊既地方，好多都係真!一望無際海景房！ 近機場既東北月汀里，西北Aewol涯月邑都係比較熱門既路線，因為有最多既網紅打卡cafe同海景民宿酒店，出名既餐廳都比較集中呢度。所以可以因應想去既景點路線去揀酒店，民宿。 由於第二日就飛釜山，所以都住得近機場，方便第二日返返機場。呢間酒店既城景房係可以睇到飛機不停起飛架🛫️，比較特別，但又會有噪音。機場搭的士大概10分鐘車程就到，$7,300 won(港幣43蚊）可能有行李費，幾個人就同搭巴士差唔多價錢，的士比較化算。 베드라디오 도두봉 Bed Radio Dodubong Hotel Address:제주시 서해안로 204 Map:제주시 서해안로 204 검색 - 네이버 지도 - 네이버 지도 (naver.com) **酒店附近都有彩虹石𡒊 for打卡 Dodu Rainbow Coastal Road Address: 제주특별자치도 제주시 도두일동 Map: Dodu Rainbow Coastal Road - Google 地圖 ------------------------------------------------------------------------------------------------------ Dodubong Hotel DDB酒店 ➡️ Analogue柑橘農場X 酒店擺低行李之後，就去搵好出名既橘子cafe analogue柑橘農場 아날로그감귤밭 . Google上面得地址，搭的士過去都要半個鐘，過到去發覺已經人去樓空，唔知係期間限定定係唔係橘子季節，所以冇開？後來睇返ig先知係4月30號啱啱完左約，我地5月1號去，所以！🙂🙂🙂出發前記得要check清楚想去既地方既營業時間同最新動態呀！！ 所以又餓又眼訓只能係見咩就食咩，入左路口間cafe，食少少嘢就轉場去濟州島既柑橘帽子手作店買帽🍊！ 由於地方可能比較偏僻難截的士，20分鐘先截到一架，可能係截左黑色的士，載去下一個景點大約半個鐘路程，收費$20,000won，因為佢話要計埋回程，所以呢程的士就要港紙120蚊。 ------------------------------------------------------------------------------------------------------ Analogue柑橘農場 ➡️ Terry Berrys手作店 柑橘帽你可能喺機場或者景點都見到好多人戴住橙色既帽打卡，景點都會有得賣，但呢間Terry Berry’s係一間手作店，係一位韓國媽媽經營既，平時舖頭就會見到佢喺度製作緊唔同既手作，有杯墊，袋，鎖匙扣。 其中最出名既係呢度既帽，同景點既唔同，呢度係針織款，有貝雷帽，漁夫帽，南瓜帽，有大中細唔同size，又有唔同顏色深淺既橙色，非常多款可以隨便配搭試戴。而我就揀啱左全場唯一一頂柑橘貝雷帽，朋友們揀左其他款式，有曬dresscode，一齊打個靚卡！😆😆😆 門口出去就有個海景打卡位，因為舖頭對面已經係海邊，呢度亦會有好多寫住唔同韓文既牌可以攞黎做道具，例如有現在，這裡，濟州，又或者我愛濟州島之類既牌，嗰度仲有隻大柑橘🍊，都係針織架，都係一個好出色既打卡點🍊 柑橘帽係最多款式選擇，可以買黎做俾小朋友既手信，夠曬可愛又特別！🍊🍊🍊 Terry Berry's 테리베리스 Instagram: https://www.instagram.com/terryberry.s/ Naver: https://smartstore.naver.com/terryberrys Map: 제주특별자치도 제주시 특별자치도, 애월해안로 274 https://www.google.com.hk/maps/place/%ED%85%8C%EB%A6%AC%EB%B2%A0%EB%A6%AC%EC%8A%A4/@33.4674373,126.3377518,17z/data=!4m6!3m5!1s0x350cf7f22cd5ddd5:0xb7608c856dce0796!8m2!3d33.4686367!4d126.3401873!16s%2Fg%2F11h55nghcm?hl=zh-HK ------------------------------------------------------------------------------------------------------ Terry Berrys手作店 ➡️ 彩虹石𡒊 打完卡，可以過對面馬路，有個觀景台位置，可以影海景，想要人突出d既可以戴埋啱啱買既柑橘帽呀😌 沿住海邊往左往下行，會有一個彩虹石𡒊位，海邊一望就見到，可以行5分鐘路程過去，又係一個打卡位。重點係！冇人！唔需要排隊等，唔需要就機位，又唔會限時，鍾意點影都得🤩 彩虹石𡒊 Address: Jeju 255 Aewolhaean-ro Aewol-eup Map: 255 Aewolhaean-ro, Aewol-eup - Google 地圖 ------------------------------------------------------------------------------------------------------ 彩虹石𡒊 ➡️ 하갈비Hagalbi燒肉店 買完帽影完彩虹石𡒊之後，腳骨力好既可以選擇繼續沿著海邊行，用腳感受濟州島，用眼睛收藏沿路海景。又或者可以搭的士快速轉移，去涯月邑好多打卡餐廳既聚集地。 第一站係午餐，食黑毛豬🐷➕韓牛🥩！濟州島最出名既係黑毛豬肉，據聞好食過韓牛，有黑毛豬一條街可以更多選擇，但呢度最特別係戶外既座位，設計到好有沙灘🏖️渡假感覺，非常適合打卡！ 呢度入到去店員首先會解釋，會收茶位費，每人幾多，跟住去隔離個冰櫃度揀肉🥩，肉上面有標示曬重量同價錢，貴d紅d既肉係韓牛，大概都$57,000 won(港幣$330），相對平d粉d既係黑毛豬，$37,000(港幣$216）。 價錢貴唔貴就見仁見智啦，揀好肉就可以揀坐邊度，都基本上會揀出面有遮既位置，跟住店員會黎幫你set爐，送上伴菜同埋你揀既肉，然後就可以自己燒啦。 食完既感覺係，黑毛豬比韓牛好食，燒得耐都唔韌，可以著重食黑毛豬肉😋😋 我地揀既份量唔係for飽肚，特登留肚為左去隔離間cafe食下午茶。 하갈비 Hagalbi.Aewol IG: https://www.instagram.com/hagalbi.aewol/ Address: 제주특별자치도 제주시 애월읍 애월북서길 52 2층 Map: https://map.naver.com/v5/entry/place/1879049530?c=19.01,0,0,0,dh&isCorrectAnswer=true ------------------------------------------------------------------------------------------------------ 하갈비燒肉店 ➡️ 해지개 카페 Sunflower Cafe 一黎到就見到滿滿既人，可以先喺戶外搵好位置先再入去買麵包同飲品，店員會俾一個提示器你，準備好餐品就可以去攞啦。 室內位置唔多，多數都想坐戶外既位置，海景一覽無遺，伴隨陣陣海風，聽住海浪拍打岸邊，係非常適合放鬆心情放慢節奏，甚至發下呆都唔會覺得係浪費緊時間。 提示，飲品大多數都係得凍飲，麵包類都會偏甜，比較適合配搭咖啡同茶。 해지개 카페 Sunflower Cafe IG: https://www.instagram.com/jeju_17/ Map: 제주특별자치도 제주시 애월읍 애월북서길 52 해지개 카페 검색 - 네이버 지도 - 네이버 지도 (naver.com) ------------------------------------------------------------------------------------------------------ 해지개 카페 Sunflower Cafe ➡️ Dodubong Hotel DDB酒店 Hea到大約5點左右就回程返酒店，晚餐就8點左右行出酒店附近食，但由於冇留意到濟州島既店舖都比較早收，大概9點關門，8點幾去到已經唔再接單，就只能夠隨便入一間韓國料理餐廳解決晚餐了。 **順帶一提，酒店既lift入面貼住有瑜伽既練習班，環境睇落都唔錯，鍾意瑜伽既朋友可以留意埋，訂既酒店可能都會有瑜伽教室係附近，加上濟州既自然景色，真係好適合修行練習架！ Prana in Jeju IG: https://www.instagram.com/prana.in.jeju/ #Cafe #下午茶 #Korea #手信 #女生 #濟州 #人氣 #行程 #攻略 #自由行 #好去處 #釜山 #南韓 #美食推介 #特色 #文青 #沿海 #UBlog #打卡 #JEJU ISLAND #美食之旅 #UBlog旅遊 #UBlog飲食 #打卡CAFE #打卡美食 #Jeju #Busan (此文章由U Blog 同步發佈至社群)