回本食足150分鐘@初心

呢幾日天氣好似秋天咁，舒服得令人興奮，而晚上仲覺得少少清涼，仲有興致去食火煱。加上假期前夕就想食餐火鍋放題，任飲任飲夠滿足。   呢間除咗有茶飲，晚市仲有150分鐘任食任飲火鍋放題。   各式凍飲可以自己去雪櫃拎，罐裝紙盒都有。   未食火鍋，先食招牌鷄煲 (可追加)，辣度入選，唔辣又唔係幾好食，就BB辣啦。   除咗鷄件，仲有紅綠椒加大量洋蔥及蔥去爆香，加埋豬皮去索惹味醬汁，呢一煲，好快被我地食晒。   再黎五款小食，每天不同，今晚有松露蝦多士，涼伴雲耳，麻辣鴨血，椒鹽三文魚頭腩及漬牛膀。   食緊麻辣鴨血之際，三文魚刺身送到。港人對佢又點可能抗拒?! 一啖一塊過吓口癮。   跟住就可以轉做火鍋時間啦，多款特色湯底選擇，最後都係還原基本步同下火之選，芫茜皮蛋湯是也。 打邊爐點少得海鮮?! 六款不定時轉款湊合成為海鮮拼盤。今晚”佳麗”為鮑魚，廣島蠔，龍躉片，蜆，蝦及翡翠螺。每款2隻/件，以冰底墊住保持鮮度。 鮑魚帶點厚度，入口夠彈牙。   廣島蠔烚完雖然變細咗，但蠔味幾出。   之後嘅任食類包括肥牛，黑豚肉，丸，菜，菇類，薯粉烏冬等   肥牛及黑豚肉肉色靚仔，脂肪比例平均，薄薄一片好快熟。   頭轉唔駛自己落單，侍應送上心水推介，例如年糕福袋，黃金魚腐，各式丸類及魚片頭。   呢款手打牛丸，大大粒   入口超濃牛味，肉汁爆射，推介。   仲要個蔬菜籃，色彩繽紛，菜心同娃娃菜都好甜。   食完幾轉都好飽，咪忘記仲有雪米糍做甜品呀。 #ublog #foodie #foodblog #hotpot #allyoucaneat #TKO   #hotpot #foodie #foodblog #ublog #allyoucaneat #TKO (此文章由U Blog 同步發佈至社群)