2024/08/12

［旺角］即夾即食大隻活蝦·特色泰式風味湯底🍲

呢間係位於旺角鬧市既泰式任飲任食火鍋,最大特色係有個水缸係正中間可以任夾活蝦即場淥黎食,隻隻都夠晒大隻仲好新鮮😍佢可以比你揀一人一鍋咁就可以每人叫唔同湯底試唔同味🙈如果好似我咁唔想煩既同朋友一齊share一個湯底都可以,隨你喜歡☺️呢度有8種湯底比大家選擇,泰式風味既有檸檬香茅､泰金冬蔭公､馬來娘惹叻沙､青檸椰奶雞湯,不過今次想食清少少所以揀左藥膳豬骨白湯鍋🫢 呢度可以食120分鐘,中間位置有超過60款火鍋配料､泰式小食､甜品等任食,另外仲有泰式飲品清熱香茅茶､泰式綠奶茶同泰式奶茶,綠奶茶我就唔係幾敢試等大家幫我試下啦🙈今次揀左C澳洲產M6和牛餐,特登揀21:30後入座$268加一,唔洗三百蚊就食到和牛🤗不過個人唔建議大家呢個時段入座,雖然平啲但係出面自助吧好多野食都冇同埋唔再添加,所以覺得唔太值~如果想要同樣價錢食到建議19:30前離座🤔 ————————————————————————————— ♦️ 藥膳豬骨白湯鍋:都幾清而且唔會話好重藥材味,湯底唔油膩用黎淥牛肉都好夾,亦唔會搶左牛肉香味 ♦️ 澳洲產M6和牛🐮:冇牛臊味肉質唔韌､口感腍身而且脂肪分布平均,有種入口即溶既感覺👍🏻 ♦️ 美國產下肩胛肉眼:正正常常,肉質相對較韌🫣 ♦️ 澳洲穀飼肩胛牛小排🥩:肉質偏瘦唔多肥膏 ,脂肪分布比例唔太平均,但口感唔算好韌 🌟自助吧 ♦️泰式炒粉絲:個人唔太中意因為好重香茅味,但粉絲軟硬度適中有咬口 ♦️配料區:有多種丸類､蔬菜可以選擇實有一款岩你☺️ ♦️飲品區:佢連前排大熱既生百事都有供應,另外有大量紙包飲品､可樂､茶類飲品👍🏻 ♦️甜品區:有4款甜品包括朱古力布朗尼､千層椰汁糕等等,椰汁糕會係特定時段推出,我個人覺得都幾好味好煙韌😋 ♦️海鮮區:餐廳設有自助夾蝦區並會提供冰比客人自製冰筒凍暈啲蝦,等佢地唔會係筒入面跳黎跳去彈到成身濕晒🤗我之前試過去過一間流水蝦放題但冇冰提供,結果彈到成身濕晒,所以之後都冇再去食呢款放題🫢自己睇中邊隻就可以即刻夾,之後拎番去即刻淥夠晒新鮮🦐🦐 💝特別要提榴連炸彈同埋蝦片,榴連餡適中有少少流心效果而且勁香榴連味😍蝦片都好香脆,推薦比大家試下☺️ 評分🖍️(滿分為5個🌕) 抵食指數:🌕🌕🌕🌗🌑 服務質素:🌕🌕🌕🌗🌑 環境:🌕🌕🌕🌗🌑 味道:🌕🌕🌕🌗🌑 📍 泰金鍋 (旺角) 旺角彌敦道601號創興廣場6樓 #UCreatorHK #BESTFOODwithUCreator #九龍美食 #新界美食 #香港隱世美食 #foodie #hkfoodie #hkig #food #hkfoodpic #hongkong #hkrestaurant #hkfood #hkfoodblogger #foodiehk #打卡餐廳 #火鍋店 #火鍋 #旺角美食 #香港美食 #抵食 #美食 #性價比高 #泰式料理 #泰式火鍋 #放題 #火鍋放題 #火鍋放題 #流水蝦 #泰菜 #泰國美食 #Chill賞遊世界 #相機食先 ...更多