2025/02/24

沖繩親子遊 | 風味塔塔米炭爐烤肉 x 抵食CP值高。七輪安安烤肉

嚟到沖繩一定諗到要食石垣牛、《琉球之牛》餐廳，但係《琉球之牛》餐廳長期爆滿....即使預早一個月網上訂位都未必成功訂到... 我哋今次就係訂唔到《琉球之牛》，所以就隨便試試其他烤肉店。當日駕車途中，喺名護見到《七輪安安烤肉》抱住未試過就去試試嘅心態。我哋就泊低架上，直接上餐廳。當日大概6點半左右到達，等咗大概20分鐘，就有位了，好lucky~ 入面有普通卡位雅座，亦有和風塔塔米嘅座位 (需要除鞋進入)。第一次嚟因為我哋被安排到和得塔塔座位，感覺好親民，旅行感Up up up! 不過，店內抽風系統不足，覺得個人好大煙比較辛苦。佢哋係單點，食物選擇有牛、豬、雞、蔬菜、甜品、小食、韓式泡菜、海鮮、飯、熱湯。食物選擇多，價錢亦親民，超抵食，質素都好好呀!! 飲品方面，小朋友的話可選擇蘋果汁 (99円)或自助飲品(132円)吧。大人的話有熱茶、自助飲品吧 (385円)、汽水、酒精類飲品等。個人覺得自助飲品吧選擇都多，所以我哋都係揀咗自助飲品吧，可以添飲仲抵。小朋友可以自己去斟飲品，用餐體驗加咗樂趣今餐5,940円，真心抵食! 圍返都係HKD 310, 人均HKD 62!! 總結: 價錢親民，抵食之選，只係店內比較大煙味道大。【七輪安安烤肉@名護店】地址: 沖繩縣名護市宮里1482-1 官方網站: https://anan.fuji-tatsu.co.jp/ 網上預約: https://autoreserve.com/zh-hk/restaurants/RLx24px6g1UyShULHKFF ----------------------------------------------------- 我哋發掘最新、至好玩嘅好去處呀。 https://www.facebook.com/80smami/ http://www.instagram.com/wagyubmami/ https://www.youtube.com/@Wagyubmami/ #沖繩親子遊 #hkmom #hkparentingblogger #和牛媽媽 #沖繩食物推介 #香港媽媽 #hkkol #沖繩必食 #沖繩餐廳介紹 #Okinawa #和牛B #親子旅行 #沖繩親子 #沖繩七輪安安烤肉 (此文章由U Blog 同步發佈至社群)...更多