牛気·牛牛海鮮任食火鍋

Lunch突然好想打邊爐🤤，於是就立即行動！ 同朋友去咗雅蘭間牛気🍲食餐勁嘅先，我哋揀咗Lv 4👉🏻澳洲穀飼黑安格斯牛🐂 + SRF美國極黑牛🐃放題 + 海鮮🦐🐙放題（$338），牛牛我嚟喇yeah！ 聽店員講，近日新開幕嘅‼️大圍圍方都開咗牛気全新分店啦，等我遲啲都去潮下聖先～ · 套餐有多款牛肉選擇，包括 澳洲穀飼黑安格斯牛🥓、SRF美國極黑牛、特選牛小排🥩、PRIME美國肩胛肉眼等等， 澳洲穀飼黑安格斯牛啲紋理勁靚😍，牛肉質感較軟嫩，淥佢10幾秒就食得； 而SRF美國極黑牛嘅油脂就會比較豐富😚，牛肉味亦較濃郁，呢2款我哋都encore咗幾多碟😋🥺。 · 仲有當然唔少得海鮮任食啦， 帆立貝、青口🐚、大海蝦🦐、花膠、水魷🐙、墨魚滑、蝦滑等，帆立貝好大隻又肉厚，大海蝦肉質爽嫩😙， 蝦滑係唧唧裝，自己想唧幾長都得😜，真係有蝦肉喺裡面，個人好推薦👍🏻～ 另外，仲有🐟挪威三文魚刺身任食，而且仲有壽司同迷你魚生飯，好豐富！ · 火鍋配料、熟食、小食款式都好多，可以用📲QR code落單外， 店內亦有自助區可以自取。提提你，由7月24日起，全線牛気仲推出咗🤩「馬來西亞榴槤甜品系列」，一於食到爆肚先至走喇😋！ · 📍牛気  旺角彌敦道625及639號雅蘭中心地下(部份)及1樓118號舖 (此文章由U Blog 同步發佈至社群)