2025/03/22

四國水族館另類特別展 x 2🤣

不經不覺到了社群創作有價企劃第三階段,感謝大家一直以來既眷顧🙇‍♀️我希望能繼續運用我日文一級能力為大家搜羅日本期間限定既活動資訊,提供旅遊書都冇咁update既最新情報💫 ———————— 平時去水族館都係諗住睇下魚, 欣賞下佢地悠哉悠哉既海底生活｡但勢估唔到四國水族館會搞兩個另類型既展覽, 而展覽當然係同魚有關, 要形容既話只可以話呢兩個係好有｢深度｣既展覽🤣 1️⃣魚鱗展展覽日期:2025年3月20日~6月29日地點:四國水族館本館棟1階･2階大水槽横ｽﾛｰﾌﾟ附近展品:A3 size 60張還原度極高既魚鱗畫呢個真係堅有趣🤭 首先佢使用左特別既既印刷技術, 還原番個魚鱗既觸感出黎｡無論魚皮既顏色､定還是果款魚鱗反光時閃閃令令既狀態, 佢都極致追求還原事實既真相｡🧐 平時去動物園你會想摸小動物, 而家俾你唔洗濕淰淰都可以摸到每條魚既魚鱗觸感! 摸完你仲可以打開下面個牌仔, 了解番自己睇到同摸到係邊種魚既鱗😆👏🏻(見圖3) 如果你想既話, 你係可以買番個同樣富有色澤及觸感既遊戲卡做手信🤣(見圖6) 我講真好有興趣囉🤭 佢呢種另類｢深度｣展, 真係令人別有一番風味🫶🏻 2️⃣四國鄉土料理~德島編展覽日期:2025年3月20日~5月11日地點:四國水族館ｲﾙｶ棟1階ﾚｸﾁｬｰﾙｰﾑ呢個展覽可以話就真係完全唔理啲魚既感受🤣 佢居然展出個鄉土料理再喺佢隔離展出番個料理會用到既魚出黎🤦🏻‍♀️ 展覽會場除左有活生生既魚會被展出, 鄉土料理會用上既刀魚標本都會被展出｡而且你都有機會可以摸到活生生既鳴門海帶, 全部都係你有機會食到既野黎架🤣 其實但凡條魚係知道既話, 佢住喺一個咁既空間度, 心理壓力應該都幾大🙈 不過我相信魚係唔會知既😌 而呢個展覽既紀念品仲要搞鬼到推出｢魚朱印｣, 就係扮人地參觀完寺廟買果個｢御朱印｣啦🤣 (見圖11) 日本其實有部份水族館都有玩｢魚朱印｣, 只可以話四國水族館都係走在潮流既尖端🤭 去得佢呢度參觀既話, 建議大定唔好錯過佢每日只會發售十碗既炸魚排丼(見圖12) 位於本館2樓food court可以食到, 係四國鄉土料理都有介紹既其中一款美食｡既然限量, 一場黎到冇理由唔試架嘛😉 認真既展覽始終都最吸引! 佢呢種另類角度既探究🔍 何嘗唔係令四國水族館有另一種魅力? 由於我通常介紹一啲期間限定既資訊, 想快速一覽你出遊既時候有冇相關活動資訊, 我按月份為我既文章加左hashtag ｡歡迎按下文章最尾的相應月份瀏覽仲有咩好野玩😉 去開日本玩既可以睇埋我另外一啲post, 或者去我地圖睇下, 睇下附近會唔會有我介紹過既地方? 全部都幾有趣既分享黎架! ———————— 所有圖片來自官網(https://shikoku-aquarium.jp/news/archive/826/)｡ ———————— 想知道更多日本新奇有趣既event記得關注我啦‼️你既關注為我帶來寫文章既動力🤝 THANKS🥰 #ucreatorhk #ucreator #momentswithucreator #日本好去處 #日本之旅 #日本 #日本食玩瞓 #日本旅行 #日本自由行 #日本旅遊 #日本攻略 #日本旅遊攻略 #日本好玩景點 #日本展覽 #日本event #event #打卡美食 #打卡 #打卡餐廳 #打卡好去處 #打卡必去 #打卡able #四國 #四國旅遊 #四國手信 #高松 #高松一日游 #高松自由行 #高松旅行攻略 #水族館 #翻譯君睇騎呢展 #翻譯君睇動物 #浪漫旅人祭 #旅行手信推介 #mar2025 #apr2025 #may2025 #jun2025 #香川 #香川縣 #香川旅遊 ...更多