🎏啟德GoNuts親民價錢食到米芝蓮級數‼️

由米之蓮廚師主理,但食物價錢好親民,位置係喺啟德零售館2入邊,附近有最近好Hit嘅六本木打卡位,夜晚6:00之後着晒燈真係幾靚嘅,最近喺零售館對開一片繡球花,早去嘅話可以影吓相餐廳入邊有個打卡位,就係一幅用咗1000個網球佈置嘅牆身,中間有餐廳好signature嘅閃電圖案,成個餐廳環境都好光猛,空間都坐得舒服,另外旁邊係停車場,泊完車過嚟食都好方便 🔸韓風甜麵醬煙豬腩肉比薩 $168 叫任何一款羅馬白比薩,都可另加$40升級火山熔岩芝士,因為見幅圖睇到個芝士好誇張,於是就升級咗,嚟到個Pizza份量都幾大,同平時啲Pizza唔同佢係一塊長方形咁大,同埋好薄身,面頭嘅煙豬腩肉份量都幾多,芝士拉絲力可以,最勁係佢中間嘅芝士醬,真係滿到瀉🤣 🔸紫薯麻糬窩夫配香草雪糕追加$38 凡叫任何熱食都可以$38追加,估唔到個賣相唔錯喎,同埋呢個價錢真係好值得食,每件窩夫嘅餡都係紫薯麻糬,有淡淡的紫薯味,麻糬令到成個窩夫食起嚟好煙靭,旁邊亦都有紫薯､cream､雪糕,呢個價錢食到抵食 🔸紅酒汁燒牛肉意大利粉 $98 賣相望落去幾好,牛肉嘅份量都唔少,切得偏向大粒啲,意粉好掛汁 🔸自家製煙燻豬腩窩夫三文治 $98 想食鹹食嘅窩夫可以揀呢款,兩大塊煙燻豬腩😆面頭有隻太陽蛋,另外仲有個糖漿俾你落落去,窩夫係講緊上下都有,感覺似極厚版嘅漢堡包咁,窩夫做得脆身,豬腩肉唔韌,另外仲配咗蕃茄生菜,想配晒所有材料一啖食晒幾乎係冇可能🤣 🔸自家製忌廉粟米湯 $68 呢個粟米湯係自家製,每一碗都會有一件粟米喺入邊,擺盤都幾得意,個湯做得好香粟米味,飲落仲會食到粟米 🔸小食拼盤 $173 拼盤有川辣麻辣生炸口水雞､脆炸水牛城雞鎚､炸雞軟骨､炸洋蔥圈､炸薯條薯,另外仲配咗三個醬包括有蛋黃醬､蕃茄醬､麻辣口水雞醬,我再加咗$25要埋個邪惡芝士醬,鍾意食小食,又要樣樣有嘅可以揀呢款 🔸熱情果菠蘿梳打 $45 🔸藍檸檬菠蘿梳打 $45 餐廳服務及優惠 🎂生日有甜品畫碟(Happy birthday) 🪪啟德園區員工證有優惠 9折 📍GoNuts 九龍城啟德承啟道38-39號啟德體育園啟德零售館2 G樓M2-016號舖 #circle_life #circle_foodie #香港美食 #香港美食推介 #GoNuts #HeySoNuts #OnceYouGoCraft #KaiTakSportsPark #KaiTakMall2 #啟德 #啟德美食 #啟德站 #宋皇臺站 #香港cafe #foodie #高質 #cafe關注組 #甜品關注組 #香港美食 #打卡 #嗚啦吔哈 #精簡護膚攻略 #主子請慢用 #我想食buffet #我想同您試飲蘋果玉桂蜂蜜酒 #我係咖啡達人 ...更多