味覺旅遊-泰國
繼續食左當去左😆。個火車頭裝飾真係勁吸睛，再望吓店內裝修，好有mood，感覺坐喺度食嘢會幾舒服；食吓泰國菜，當去泰國走一轉都好。
芒果糯米飯 🥭 $88
每次喺曼谷機埸都會買幾盒返香港。呢個擺盤真心正❤，個心形糯米飯，非常軟糯，配上濃厚嘅椰漿，很香甜；而芒果一d都唔酸，清清的，實在不錯。
小曼谷煲仔翅🥘 $98
呢個又係去曼谷必食嘅，呢度只係$98，同泰國食嘅價錢竟然差不多。價錢雖然平，但用料足，有3，4梳嘅翅片，仲有雞絲、冬菇，味道超濃，如果配白飯，應該更美味。
串燒翠肉瓜🍡$24
五件切得厚身嘅翠肉瓜，燒完仍然好多汁，仲有d爽脆。
榴槤沙冰🍧 $50
榴槤都係去泰國一定會食嘅😋沙冰可以揀甜度，我揀左少甜，第一啖入口已經有淡淡嘅榴槤香，食落仲有少少嘅榴槤絲
泰式燒羊架🍖 $138
喺泰國未食過燒羊架😅呢個係餐廳推介，信心保證，應該唔差。上菜時見到羊架細細件，啱晒我想食又怕太多會浪費。輕輕咬一口，羊脂已湧出嚟，但一d羊羶味都唔覺，火喉亦控制得很好，很容易咬，配上酸甜帶小小黑椒香味嘅醬一齊食，其實食多兩件都唔會覺得膩。
。
今次味遊泰國，真係大滿足。唔單只味道，仲感受到店員嘅熱情，一坐低已經有碗免費嘅冬陰公湯，每次上菜都有親切嘅笑容；鄰座叫左d炸物，店員放低時，仲提醒客人，食物剛炸起，要小心燙熱。讚!
