窮遊欣賞吳哥窟/歎高棉餐

吳哥窟旅行算是人生 top list 之一，因為「齋」睇寺塔要有好大決心😅。如果參觀柬埔寨🇰🇭主要寺廟，建議3日，即要留5、6日。點都好，出發前要辦旅行簽證。 香港飛柬埔寨大約兩個多小時，睇完一套電影就到。📱 > 吳哥國際機場 行程首2日參觀城外著名寺廟，如聖劍寺等，真係行餐死😌 。第三天，坐「tuk tuk」到「小吳哥」城區。吳哥窟四周被大片樹木和護城河包圍。一落車就睇得出吳哥窟同其他寺塔的分別 — 一條直路好長，直通主廟，中軸線兩旁係藏經閣，遠觀好宏偉，不愧為柬埔寨保存最好的廟宇之一。 > 路其實好長。 寺前面有水池，會影到吳哥窟倒影。 > 如果加上黃昏，一定好正。 > 買本旅遊書睇睇，參觀更加有多趣。 廟低層由迴廊組成，好似迷宮，迴廊上面刻有不少關於印度神話的浮雕，保存好好。 > 每個角落，政府都致力保存。 走上去，上幾層設計好似成座金字塔，東南亞國家好少見到呢種設計。由中央的塔廟頂望出去就睇到吳哥窟的設計好細緻，比例平衡恰到好處。寺遠處有整片森林覆蓋，好壯觀，成座森林中的古城，可以想像當地人當年對宗教的熱誠才能夠建成咁偉大的建築。 > 塔廟頂 > 現場比相片更廣，更闊。 吳哥窟附近的 #巴揚寺 #bayon 都十分出名。 > 巴揚寺，大家一定見過。 如果唔請導遊，一定要做資料蒐集，更容易了解吳哥窟的宏偉和歷史。Google 航拍就知吳哥窟的規模好大。 柬埔寨消費好低。酒店價錢好平，當時住 #centralboutiqueangkorhotel ，6日1800蚊，好有 Villa feel。絕對係 #窮遊 和 #一個人旅行 之選。 > 窮遊亦可以有另類選擇。 未試高棉菜可以試試，例如 amok ，高棉烤雞；好多小食你未試過，例如炸蠍子蜈蚣等等，當時都有衝動想試，不過就係冇最後決心😓。晚餐去夜市區搵食，酒吧🍺、餐廳🍽🍾乜都有。 > 食...... 真係要好大決心。 > 高棉傳統食物。 參觀吳哥窟鍛練到體能。一來天氣好熱，乘坐「tuk tuk」3分鐘背心已經濕晒，二來3日旅行不斷爬樓梯，行上去咪話唔辛苦，不過見證柬埔寨的歷史文化，又影到靚相，好值得🙌。第一次去旅行會瘦。 小貼士 1 離開吳哥窟同夜市區，其他地方比較落後，所以唔好周圍走，最好有朋友陪，諗返 #一個人旅行 當時都有啲驚 🤦‍♂️🤦‍♂️。 2 參觀吳哥窟及附近景點，最好包車或者「篤篤」，當然可以講價。 3 好多司機建議參觀吳哥窟是當天行程最後一站，因為可以影到黃昏🌇， Google下就知道，好靚。 4 5至10月都係雨季觀光就麻煩啲。 #一個人旅行 #尋找你的旅行背包 #吳哥窟 #窮遊 #柬埔寨 #柬埔寨 #東南亞 #一個人旅行 #吳哥窟 #窮遊 #巴揚寺 #尋找你的旅行背包 #bayon #centralboutiqueangkorhotel (此文章由U Blog 同步發佈至社群)