無嚟上水廣場一段時間，原來呢度五樓翻新過，多左好多食肆，經過呢間Cafe喜歡果種簡單明亮嘅感覺，再加上見到杯香橙意式濃縮咖啡，感覺好特別，應該幾好飲，所以在眾多食肆之中揀左呢間Lunch。
呢度有All Day Breakfast 供應，但今日想健康d所以揀左食沙律。朋友就揀左拿破崙意粉，仲有Americano。
特色沙律 $58
好鍾意淋喺面果層蛋黃醬，唔只顏色靚，入口好滑，微微有一點介辣嘅香味，仲有好開胃嘅微酸(分唔到係檸檬汁，還是醋)，配上新鮮嘅羅馬生菜及車厘茄，味道很清，亦很夾。
香橙意式濃縮咖啡$48
其中一款靚嘅、好味嘅咖啡就係有柑橘嘅果香，所以先會被呢杯吸引入嚟。果然無揀錯，入口第一個感覺好Fresh，好香甜嘅橙味，攪拌後再試一口，感覺好得意，橙味同咖啡味各自在嘴裡邊，然後咖啡嘅香濃味慢慢蓋過橙味，最後只剩下咖啡嘅餘韻。隨著時間過去，再慢慢細嚐，橙味已慢慢被逐漸蓋過，但呢杯Espresso的確易入口、醇厚。
拿破崙意粉 $78
配料有火腿、香腸、磨菇等，但呢個拿破崙醬又係好好味，坊間好多拿破崙意粉係有過濃嘅茄汁味，但呢款唔係，食得出有茄汁嘅香濃，但唔會太搶味，因為除左茄汁嘅酸味，仲夾雜著一種好清新嘅微酸，我唔知係咩配料調製出嚟，但好喜歡呢種酸味。加上較粗身而又烹煮適中嘅意粉，麵身硬度剛剛好，好味到本來我只諗住食沙律，最後都忍唔住食左好幾啖。
Americano $38
呢杯咖啡，以黑啡嚟講，其實都幾OK，首先味道唔酸，萃取度剛剛好，初入口時，沒有特別感覺，但之後又慢慢滲出一點的炭香味，朋友提我一定要記低這個香味。
整體食物質素真係值得讚，店員亦很有禮貎，以後嚟到上水廣場又多一個好選擇了。
📍All Day
