日本人都話買唔到🔥平日秒速售罄的CHEESE WONDER

進入社群創作有價企劃行列第二階段,我除繼續運用日文一級能力為大家上網搜羅與日本期間限定情報､打卡資訊及優惠情報外,希望大家從我的文章亦會得到一絲快樂,舒緩每天工作的辛勞🫶🏻 ———————— 平時去旅行, 都見過啲出名好食唔休做既店舖, 可能係極短既營業時間 ｡ 咁都明既, 開咁長時間燈油火蠟都係錢黎既｡ 但今次呢間舖頭仲巴閉, 佢個招牌甜品Cheese Wonder由2022年出道, 每星期只開放星期五､星期六日本時間8點網上發售｡ 到而家都好, 每次都係開賣幾分鐘就話賣完 ｡ 買甜品我都要拼手速真係睇到我眼都突埋😧 但個個有幸食到佢既人, 我查過, 個個都讚口不絕! 🗣️:是夢幻般既存在!常溫放置20分鐘,濃郁的芝士配上中間像雪糕般的口感,在口中混合起來,真是太美味了! 🗣️:杏仁碎餅底都係一絕!食完在口中所殘留的牛油與芝士的味道令人難以忘懷❤️ 🗣️:一直都買唔到😔好彩鄰居送左一個我試下,買到都好Wonderful!食落仲Wonderful!! 今次唔駛等佢網上發售啦! 因為佢開期間限定實體店呀💕 ￭日期: 2024年7月17日~7月30日 ￭地點:ｼﾞｪｲｱｰﾙ名古屋ﾀｶｼﾏﾔ 地下1階ｳｨｰｸﾘｰｽﾎﾟｯﾄ 〒450-6001 名古屋市中村区名駅一丁目1番4号 佢今次除左平日既原味Cheese Wonder (見圖2)之外, 仲有夏日限定版Cheese Wonder Yellow發售 ｡ 佢個Cheese Wonder Yellow其實就係用瀨戶內檸檬所製成(詳見圖3解剖圖)｡ 瀨戶內檸檬清爽的酸味, 再加上Cheese Wonder本身所採用的自家牧場所飼養的牛的牛奶及自家農場雞蛋, 產品由原材料開始已經考究起來 ｡ 平日網上發售的是6個裝, 但今次為會場特設的4個裝, 希望未食過既人可以唔駛買咁多, 都試得到佢既美味😋 呢個Cheese Wonder平時連樂天､Amazon 都買唔到架! 今次你地知道呢個資訊, 都可以同日本人公平競爭啦! 去開日本玩既可以睇埋我另外一啲post, 全部都幾有趣既分享黎架! 想知道更多日本新奇有趣既event記得關注我啦‼️你既關注為我帶來寫文章既動力🤝 ———————— 所有圖片來自官網(https://www.utopiaagriculture.com/products/cheesewonder/)｡ ———————— 如果大家見到有咩優惠/活動,但因為日文而唔識睇,可以話我知,我可以繼續出POST 話俾大家知｡ 想知更多優惠/活動資訊,就FOLLOW 我俾D動力我啦! THANKS. #ucreatorhk#ucreator#momentswithucreator#日本好去處#日本之旅#日本#日本食玩瞓#求好旅友#日本旅行#日本自由行#日本旅遊#日本攻略#日本旅遊攻略2024#日本好玩景點#日本展覽#日本event#event#打卡美食#打卡#打卡餐廳#打卡好去處#打卡甜品#打卡蛋糕#打卡必去#打卡able#bestfoodwithucreator#名古屋#名古屋之旅#名古屋美食#名古屋自由行#名古屋甜品#日本手信#手信