[{"@context":"https://schema.org","@type":"Article","headline":"【祥仔（尖沙咀）】｜質素一般貴價茶餐廳","image":["https://cloudapp01.ulifestyle.com.hk/post/600-1-1-CR-1-RB-1/post_1717493810024.jpeg","https://cloudapp01.ulifestyle.com.hk/post/600-1-1-CR-1-RB-1/post_1717493810115.jpeg","https://cloudapp01.ulifestyle.com.hk/post/600-1-1-CR-1-RB-1/post_1717493810172.jpeg","https://cloudapp01.ulifestyle.com.hk/post/600-1-1-CR-1-RB-1/post_1717493810131.jpeg","https://cloudapp01.ulifestyle.com.hk/post/600-1-1-CR-1-RB-1/post_1717493810314.jpeg","https://cloudapp01.ulifestyle.com.hk/post/600-1-1-CR-1-RB-1/post_1717493810664.jpeg"],"datePublished":"2024-06-04 17:36:39+08:00","url":"/community/detailpost/65196ad6-148b-4b43-8cc4-8d26d65454cc/港式美食/Tracy-Love-Living/157639","author":{"@type":"Person","name":"Tracy.Love.Living","url":"https://www.ulifestyle.com.hk/community/user_profile/157639"},"text":"Family gathering 節目係睇戲，諗住一齊食個 lunch 先睇，家姐揀咗呢間打住電視煮食節目嘅廚師（我實在唔會形容為名廚）開嘅港式茶餐廳。其實之前有諗過想試佢嘅四川菜，但一直都未有機會，跟住原來已經摺晒～\n\n本身想叫招牌 No.1 鴛鴦叉燒煎蛋飯，點知下晝1點已經賣晒，莫非要11點嚟先有得食？😂\n\n🍴脆脆豬扒飯（$138）\n其實唔係好想食炸嘢，不過叫唔到個叉燒飯，跟住已經唔知叫咩好，就叫呢個。個豬扒幾大塊又真係有1吋厚嘅，炸得好脆，唔夠 juicy 但未算好乾，有一片燒過嘅菠蘿，個醬汁都 okay 不過份量比較少，令到食成個飯嘅時候都乾乾哋～\n\n🍴牛柳粒意粉 • 黑椒汁（$158）\n呢個係用咗美國安格斯牛柳粒，幾入味，個黑椒汁okay 未感受到太特別，整體上正常。\n\n🍴重量級全日套餐（$148）\n呢個 all day breakfast 可以揀豬扒、雞扒或吉列魚柳，因為唔想再吉列又唔想揀雞扒，唯有又係揀豬扒。嚟到 presentation 係靚嘅，不過塊豬扒比茶餐廳更流，少少硬又少少嚡😅炒蛋唔太滑，水耕沙律菜都幾新鮮，司華力腸、大啡菇、牛油果、多士都唔會錯得去邊，整體上係一般。\n\n🍴兩日兩夜羅宋湯（+$3）\n味道夠濃郁，都幾多料，值得加$3 將餐湯改成呢個！\n\n🍴港式奶茶\n屋企人飲嘅，劣評如潮，已經叫咗多奶都救唔到杯茶，我試咗一啖，果然係又嚡又澀好難飲，個茶底非常出事，唔記得影相～\n\n🍴熱滴漏咖啡\n知道佢嘅茶底出事，都係唔好叫茶嘅飲品，就叫咖啡飲，都係難飲，咖啡豆唔掂，只係相對比奶茶好少少。\n\n整體上食物質素一般過一般，我估佢嘅定位係中價港式餐廳？但價錢貴過茶餐廳一倍，食物份量係大嘅，尤其係飯量，當然地段商場租金的確係成本高，環境係乾淨坐得舒服，然而價錢唔平，又唔算好食，我自己就未必會再嚟食啦～\n\n體驗感受 ⭐️⭐️⭐️\n🔍祥仔（尖沙咀），香港\n追蹤我的IG：tracyloveliving \n\r\n #K11 #茶餐廳 #尖沙咀K11 #K11 art mall \r\n\r\n(此文章由U Blog 同步發佈至社群)"},{"@context":"https://schema.org","@type":"DiscussionForumPosting","headline":"【祥仔（尖沙咀）】｜質素一般貴價茶餐廳","image":["https://cloudapp01.ulifestyle.com.hk/post/600-1-1-CR-1-RB-1/post_1717493810024.jpeg","https://cloudapp01.ulifestyle.com.hk/post/600-1-1-CR-1-RB-1/post_1717493810115.jpeg","https://cloudapp01.ulifestyle.com.hk/post/600-1-1-CR-1-RB-1/post_1717493810172.jpeg","https://cloudapp01.ulifestyle.com.hk/post/600-1-1-CR-1-RB-1/post_1717493810131.jpeg","https://cloudapp01.ulifestyle.com.hk/post/600-1-1-CR-1-RB-1/post_1717493810314.jpeg","https://cloudapp01.ulifestyle.com.hk/post/600-1-1-CR-1-RB-1/post_1717493810664.jpeg"],"datePublished":"2024-06-04 17:36:39+08:00","url":"/community/detailpost/65196ad6-148b-4b43-8cc4-8d26d65454cc/港式美食/Tracy-Love-Living/157639","author":{"@type":"Person","name":"Tracy.Love.Living","url":"https://www.ulifestyle.com.hk/community/user_profile/157639"},"text":"Family gathering 節目係睇戲，諗住一齊食個 lunch 先睇，家姐揀咗呢間打住電視煮食節目嘅廚師（我實在唔會形容為名廚）開嘅港式茶餐廳。其實之前有諗過想試佢嘅四川菜，但一直都未有機會，跟住原來已經摺晒～\n\n本身想叫招牌 No.1 鴛鴦叉燒煎蛋飯，點知下晝1點已經賣晒，莫非要11點嚟先有得食？😂\n\n🍴脆脆豬扒飯（$138）\n其實唔係好想食炸嘢，不過叫唔到個叉燒飯，跟住已經唔知叫咩好，就叫呢個。個豬扒幾大塊又真係有1吋厚嘅，炸得好脆，唔夠 juicy 但未算好乾，有一片燒過嘅菠蘿，個醬汁都 okay 不過份量比較少，令到食成個飯嘅時候都乾乾哋～\n\n🍴牛柳粒意粉 • 黑椒汁（$158）\n呢個係用咗美國安格斯牛柳粒，幾入味，個黑椒汁okay 未感受到太特別，整體上正常。\n\n🍴重量級全日套餐（$148）\n呢個 all day breakfast 可以揀豬扒、雞扒或吉列魚柳，因為唔想再吉列又唔想揀雞扒，唯有又係揀豬扒。嚟到 presentation 係靚嘅，不過塊豬扒比茶餐廳更流，少少硬又少少嚡😅炒蛋唔太滑，水耕沙律菜都幾新鮮，司華力腸、大啡菇、牛油果、多士都唔會錯得去邊，整體上係一般。\n\n🍴兩日兩夜羅宋湯（+$3）\n味道夠濃郁，都幾多料，值得加$3 將餐湯改成呢個！\n\n🍴港式奶茶\n屋企人飲嘅，劣評如潮，已經叫咗多奶都救唔到杯茶，我試咗一啖，果然係又嚡又澀好難飲，個茶底非常出事，唔記得影相～\n\n🍴熱滴漏咖啡\n知道佢嘅茶底出事，都係唔好叫茶嘅飲品，就叫咖啡飲，都係難飲，咖啡豆唔掂，只係相對比奶茶好少少。\n\n整體上食物質素一般過一般，我估佢嘅定位係中價港式餐廳？但價錢貴過茶餐廳一倍，食物份量係大嘅，尤其係飯量，當然地段商場租金的確係成本高，環境係乾淨坐得舒服，然而價錢唔平，又唔算好食，我自己就未必會再嚟食啦～\n\n體驗感受 ⭐️⭐️⭐️\n🔍祥仔（尖沙咀），香港\n追蹤我的IG：tracyloveliving \n\r\n #K11 #茶餐廳 #尖沙咀K11 #K11 art mall \r\n\r\n(此文章由U Blog 同步發佈至社群)"},{"@context":"https://schema.org","@type":"ImageObject","contentUrl":"https://cloudapp01.ulifestyle.com.hk/post/600-1-1-CR-1-RB-1/post_1717493810024.jpeg","creator":{"@type":"Person","name":"Tracy.Love.Living"}}]