係呢度啦，一望到幅牆，所有畫面返晒嚟，田田同阿牧，平哥同Carmen姐……無錯喇就係大叔的愛喔！(雖然好似已經係舊年嘅電視劇，但而家諗返依然覺得好好睇。)
呢度裝修環境真係好靚，有一半就係電視劇見到嘅牆畫加吧枱，另一半走歐洲大宅feel，影相大把位可以打卡。
唔只景靚，食物都唔差，叫左一個晚餐 + 一個小食併盤都食唔晒，份量好足料。
🐟晚餐 - 是日精選煎魚 $278
兩大件魚柳，焗薯、燒粟米仔墊底。燒粟米仔好好食，爽甜多汁。魚柳亦煎得不錯，微微金黃色邊，唔亁身，仲ok嫩滑；
Starter: 沙律、帶子、仲有餐湯、小多士
呢個擺盤十分精緻，影相一流。個南瓜湯細細碗非常可愛精緻，亦很creamy。
🍟🧆特色炸物併盤$168
最好味係洋蔥圈，鮮甜、香脆、炸漿夠薄唔會覺得油膩；炸魚餅有濃郁嘅冬陰功味，好特別；炸魚手指同薯條都香脆，薯條更灑上七味粉，味蕾嚐到多重享受。
🍹Rainforest $78(happy hour)
呢杯極有趣嘅Mocktail，有橙香、夠滑、藍莓仲好甜。影相，伴食都唔錯。
總結而言，環境靚，打卡位多；侍應有禮、友善；食物質素亦ok。的確係一個同朋友聚餐嘅好選擇。
