尖沙咀高質素日式料理店，lunch set性價比極高？

鮨一 📍尖沙咀厚福街12-12A號藍馬商業大廈18-20樓 今次我地有野做去左尖沙咀,想食日本野就黎左鮨一呢度食lunch,原來呢度既lunch set都幾抵食,仲有得坐bar枱睇住師傅整壽司刺身,我梗係揀坐bar枱啦🤓 呢度午餐set除左價錢平左之外,仲有沙律,麵豉湯,茶碗蒸送上,仲有甜品既抹茶餅,認真豐富👍🏻 痛風丼定食($228) 痛風丼係一個刺身丼,分別有三文魚籽,海膽,吞拿魚蓉,牡丹蝦4款,仲有粒蛋黃係中間,呢4樣食材樣樣精,都係多數人鐘意食既貴價貨,食物新鮮份量又多$228有埋前菜真係好抵食🤩 特盛蒲燒鰻魚飯定食($168) 原條既蒲燒鰻魚,一個人真係食唔曬,條鰻魚燒得香,肉質肥美,加埋鰻魚汁撈飯好正😋 上錦繡刺身($348) 見到面前d食材咁新鮮,梗係要叫番盤刺身啦,盤刺身擺得好靚,總共有8款刺身,每樣兩件,2個人食岩岩好,刺身分別有北寄貝,三文魚,鮑魚,牡丹蝦,油甘魚,鯛魚,螢光魷魚,同帆立貝,其中螢光魷魚比較特別,比較少食到,佢裡面有好多膏,口感爽脆,其他既刺身都好厚切同新鮮,完全冇雪櫃味,一個字,掂呀🍣😍 呢間日式料理既lunch set係好抵食,呢個價錢食到咁大份質素又高既食物真係抵,所有刺身類都係客人面前做,食物衛生程度好高,店員同壽司師傅都有禮貌,下次要再黎食過🙌🏻 #美食#美食推薦#美食日記#香港美食#尖沙咀#尖沙咀美食#日式料理#日式餐廳#刺身#海膽#三文魚籽#鰻魚#鰻魚飯#定食#hkfood#hkfoodie#hkfoodblogger#hkfoodblog#hkfoodstagram#hkfoodlover#hkfoodpic#日本菜#壽司#刺身#日本