好feel好view之《瀧宴日本料理》

好feel好view之《瀧宴日本料理》 醉人美景精緻omakase之《瀧宴日本料理》，餐廳位於銅鑼灣Sugar+26樓，落地大玻璃可以欣賞到維港景色，晚上個view好正，美食美景盡在眼底，同時又可以欣賞廚師即席烹調美食，人生樂事，最近仲做梗消費劵大激賞，惠顧兩個套餐，就可以送酒，龍蝦或象拔蚌，這個優惠都幾吸引，比還是會挺高的， Dinner set好豐富，原價$1680/位，依家優惠$1380/位 落order後，師傅拎啲食材比我地睇下影下相(要打下咭先)，睇到都覺得新鮮，鮑魚仲重不停郁郁下， 前菜：日本富山魷魚仔 瑩光魷魚配埋秘制汁三文魚子好開胃，腐皮有豆香，配上甜甜醬汁和山葵，味道清新，質感滑嫩， 刺身：每款刺身都好新鮮，鮮甜美味 鐵板：銀雪魚個面燒到好脆，肉質滑，一片片又唔會散開，煎法特別魚同魚皮分開煎，魚皮煎到香脆， 澳洲大虎蝦，十分大隻，肉質彈牙，味道鮮甜， 厚燒牛柳粒肉汁好香，京葱牛肉片好香蔥花味， 鮑魚新鮮算大隻，煎香後入口非常滑同彈牙，帶點焦香同蒜香，好惹味， 湯：淮山魚湯，十分鮮甜香濃， 飯：櫻花蝦炒飯，炒得好香，而有蛋香味，飯食到粒粒分明， 最後炒菜同雪糕都係正常發揮 瀧宴日本料理 銅鑼灣糖街25-31號Sugar+26樓 #foodie#hkfoodie#hkfoodblogger#美食當前#食咗先講#銅鑼灣#omakase#瀧宴日本料理