2024/05/19

～去見螢火蟲💫～山田螢火蟲祭7-9/6；14-16/6

本人為了加入社群創作有價企劃行列，決定運用自身的日文一級能力，致力為大家上網搜羅與日本景點有關的優惠情報，再在U Lifestyle 作出分享。務求讓大家慳得一蚊得一蚊，做旅遊精明消費達人! ———————— 電影有再見螢火蟲，但我咁大個人真既螢火蟲⋯我見都未見過 😢 今次呢個活動就俾機會你去見螢火蟲啦🥳 地點：〒803-0865 北九州市小倉北区山田町日期：2024年6月7日-9日； 6月14日-16日呢個山田綠地特別喺呢幾日開放左晚間時段俾大家去尋找螢火蟲。你可以選擇自己喺園區周圍走去搵搵，你又可以參加佢個螢火蟲探險隊一齊搵。個探險隊有導賞員帶住你邊行邊睇，你跟住導賞員走入一啲平日唔對外開放既地區。但如果你唔識日文的話要諗諗，因為導賞員係會講解既。而如果你識日文既，真係好值得參加。佢要上網報名，先到先得。而家得番呢兩場：６月　９日（日）→ https://docs.google.com/forms/d/1kPWscFfxsO_a565EDPxUtRDhnNxFUzxlvaZiUVZQmkc/edit ６月１６日（日）→ https://docs.google.com/forms/d/177WgOnuPJ48h5hEMxMm65F3tDEyFrSduOJc7WAtun9w/edit 有興趣就心動不如行動啦！咁唔識日文又唔想有人喺隔離不停講既話，你其實可以自己喺園區尋幽探秘的。要守規矩啦，唔好帶發光物品或用閃光燈，咁樣大家先有機會可以睇到真既螢火蟲架。又如果真係咁黑仔，搵唔到咪白行一趟？唔會既，佢有個展示區話有唔同種既螢火蟲、爬蟲類&兩棲類生物。咁係冇喺戶外睇到咁浪漫架啦，但起碼搵唔到你都會睇到呀。佢活動期間， 15/6、16/6又有小朋友緣日、工作坊咁俾小朋友玩。每天活動期間，又有美食車等你地邊欣賞風景邊食嘢。山田綠地本身就係一個好大既大自然公園。佢既宗旨就係為未來既人好好保育森林大自然環境，希望延續森林的生命，繼續守護後世的人們。因此你去到山田綠地的話，也可以感受到綠意盎然的青蔥氣息。出發前記得噴蚊怕水😜 如果你去到見到真既螢火蟲喺你周圍， 📣返黎話我知你既震撼啦！去開日本玩既可以睇埋我另外一啲post, 全部都幾有趣既分享黎架！想知道更多日本新奇有趣既event記得關注我啦‼️你既關注為我帶來寫文章既動力🤝 ———————— 所有圖片來自官網（https://yamada-park.jimdofree.com/2024/04/17/夜間特別開園-山田ほたる祭り2024-開催/）。 ———————— 如果大家見到有咩優惠/活動，但因為日文而唔識睇，可以話我知，我可以繼續出POST 話俾大家知。想知更多優惠/活動資訊，就FOLLOW 我俾D動力我啦! THANKS. #日本好去處 #日本之旅 #日本 #日本食玩瞓 #求好旅友 #日本旅行 #日本自由行 #日本旅遊 #日本攻略 #日本旅遊攻略2024 #日本event #event #打卡 #打卡好去處 #打卡必去 #福岡 #福岡旅遊 #福岡自由行 #福岡景點 #螢火蟲 #日本公園 #打卡able #打卡景點 ...更多