黎咗Times Square呢間SENSU食日式西餐，佢哋嘅晚餐menu可以自由配搭前菜、開胃菜、主菜同配菜，連埋龍蝦湯同漬物都只係$198，非常抵食。我哋兩個人去叫唔同款式嘅嘢食就可以總共share到8款以上菜式。
龍蝦湯
先講個龍蝦餐湯，口感幼滑creamy，有好香濃嘅龍蝦味。
前菜
蒲燒鰻魚.玉子：金黃玉子蛋卷口感軟滑細嫩，面頭嘅鰻魚燒到外脆內軟。
冰鎮清酒鮑魚.芝麻柚子汁 (+$8)：冰凍鮑魚口感清爽，加埋淡淡清酒香同柚子香，味道清新。
開胃菜
炸豆腐.黑麵豉醬：豆腐炸到外脆內軟，搭配香濃黑麵豉醬，豆香濃郁。
火炙吞拿魚.泰式辣汁：吞拿魚炙燒之後形成外熟內生，中間粉嫩嘅效果，配埋泰式辣汁，夠哂香辣辛口。
主菜
時令魚.西京燒.海苔醬 (+$12)：今日就食到比目魚西京燒，魚肉厚身嫩滑，外邊燒到有少少焦脆，西京醬汁甜甜哋，食落啖啖肉。
慢煮澳洲M7和牛板腱扒.紅椒香蒜牛油 (+$28)：另一款主食叫咗M7和牛，牛扒煎得有少少偏熟，不過肉味香濃而且咬落去有肉汁，配埋個紅椒香蒜牛油就更加香。
配菜
地中海燴雜菜：燴雜菜一大碗份量十足，入面有各式蔬菜好似蕃茄、洋蔥、茄子、菇菌等等。
煙燻鴨胸.椰菜花沙律.芥末籽沙律汁 (+$8)：沙律配搭煙燻鴨胸同芥末籽沙律汁，味道好清新。
飲品
芒果/抹茶奶昔 $68@
本身套餐冇跟飲品，我哋就叫咗兩杯奶昔一人一杯，揀咗酸甜嘅芒果同香濃嘅抹茶味，奶昔整得唔錯，口感幼滑濃郁，賣相仲好靚添。
甜品
抹茶Affogato (+$48)：跟餐可以加錢叫埋甜品，我哋叫咗杯抹茶Affogato開心share。底嘅雪糕係香濃牛奶味，加埋濃郁茶香嘅抹茶醬，唔會好甜，超滿足。
。
。
SENSU (時代廣場) (銅鑼灣)
銅鑼灣勿地臣街1號時代廣場B2樓B224A號舖
。
。
#銅鑼灣 #Sensu #Times square
(此文章由U Blog 同步發佈至社群)
