太二酸菜魚喺香港震撼式一次過開四間分店💢分別係九龍塘、啟德、沙田、尖沙咀，實在太方便，唔使北上都食到🤣今次去咗又一城分店，好大間啲位好闊落，估唔到都幾旺場坐滿晒人！唔想等位嘅話，記得喺網上面book定枱。店內有自助茶水間，可以任飲陳皮洛神花茶🌸仲有透明廚房，睇到晒廚師👨🏻🍳煮魚嘅過程🐟🐟
🔸老壇子酸菜魚1至2人份
先來一碟酸菜魚，上菜嘅時候店員會講一句口號，不過就比較內斂🤣都幾搞笑！先飲咗一啖魚湯，好清澈！有啲菊花點綴一下🌻太二聲稱酸菜比魚更好吃，酸菜係餐廳自家研發嘅，食落又真係幾開胃，食到停唔到口😚鱸魚質感係超級滑！冇誇張，真係軟綿綿，無骨，有入口即化嘅感覺🥹配菜我一定係加寬粉，索晒魚湯啲味，好Q彈勁好食🤤🤤份量其實都好多，兩至三個人都夠食！
🔸芥末蝦仁球$78
除咗酸菜魚，我哋叫咗啲小食，都超乎想像，好有水準！芥末蝦仁球，簡直係外脆內彈牙，芥末又唔會好攻鼻，連同蟹籽食好有口感😍
🔸 奶凍綿綿紅豆沙$28🫘
有少少沙冰嘅感覺，好綿密，仲有粒粒紅豆可以咬🫘
🔸蛋酥軟糍粑$48、喜翻翻砂紅糖冰粉$22🍧
甜品唔少得蛋酥軟糍粑🥹好好味，外層鬆脆配上黃豆粉，再點一點紅糖，煙煙韌韌😋喜翻翻砂紅糖冰粉，都係我勁鍾意食嘅，食完辣辣地嘅酸菜魚再食冰粉，真係好清涼好清爽😆成餐整體都好OK！
#太二 #太二酸菜魚 #食魚攻略 #新店優惠 #酸爽滾熱辣 #頭啖酸菜魚 #老粉優惠 #九龍塘 #尖沙咀 #沙田 #啟德 #taierhk #吃貨人生 #酸菜魚餐廳 #美食日記 #2023咔嚓
👏🏻👏🏻
