旺角|茶茶台式料理
🍽🍽🍽🍽🍽🍽🍽🍽🍽🍽
地址：旺角豉油街60-104號XX Arcade地下AB號舖
環境： 裝修灰色工業風，但配搭木色系枱櫈，增加一點溫暖感。 餐廳logo 係正在吃鍋物的可愛小恐龍，餐廳門口的霓虹燈招牌同餐牌都印有此logo，非常可愛。
特色：必食台灣鍋物，香港比較少地方食到。我揀嘅招牌臭臭鍋，咸香味十足。 臭豆腐不經油炸，入口更食到發酵後嘅豆香味。呢個鍋仲有台灣名物鴨血同米血糕，前者順口滑嘟嘟，後者米血糕煙煙韌韌。
另外仲叫咗個沙茶牛肉鍋，個湯底味道類似沙嗲牛肉嘅味道，湯底濃郁，鍋物配料索晒呢個湯底後變得惹味甜辣。成個鍋我最鐘意食台灣貢丸，肉味濃好彈牙。
鍋物可以優惠價加碗滷肉飯/手打烏冬，滷肉飯唔會太肥，醬汁配搭好好送飯。
炸豬大腸都不錯吃，超香脆洗得又乾淨，一邊食一邊配嘢飲超正
