Innisfree × Kuromi 美妝用品

今次Innisfree聯乘Kuromi的產品，我通通都買了。今次要特別讚讚佢呢件維他命C護膚品。

維C護膚品我家裏有很多，聲稱能達到真皮層的我都有，而且innisfree價錢相對較平，加上又有公仔加持，所以今次本來對innisfree產品不太有期望，只係打算買件限量品，望住個樽上面嘅Kuromi開心啲，另外又有個特別版小包包送，再加上喺新店買呢個套裝，買其他護膚品可以有七折，冇諗住呢個價錢有乜特別效果。

用過之後，發覺有啲驚喜。本身諗住粗用，因為平平地又大大支。但我發覺原來看輕了這一支由Kuromi掛帥的護膚品。用起上嚟其實幾好用。所以唔可以外表嚟作出判斷，亦唔可以畀心理、情感影響自己嘅理智，要學識客觀噉評價護膚品。

我認為呢件產品好用嘅原因：
1. 濃度適中，唔太水，亦唔太粘笠（講質感，唔係講有幾多%嘅維他命C）
2. 雖然冇寫明幾多%維他命C，亦冇講明能唔能夠達到真皮層，但搽左之後感覺好快吸收，亦都好保濕，而且面部即刻閃閃令。職員講明唔可以去斑，要另外搽防曬，但係呢件維他命C產品可以有助提亮。
3. 可以見到當中嘅精華好晶瑩通透，好似金光閃閃咁。
4. 我搽咗之後去做面部測試，皮膚年齡好後生，職員都覺得好犀利、好讚歎。

雖然唔確保你都可以有同樣效果，但係勝在平平地，你都可以一試，輸咗冇蝕底，至少維他命C唔會害到你嘅皮膚。我另外都有口服粉狀維他命C，營養師話「外敷內服」更加有效。反正做健康測試指數非常健康，我就暫時食住一排、用住一排維他命C再睇下點。

#OOTDofUCreator #美妝 #底妝 #好物分享 #innisfree #innisfreehongkong #夏日雙重賞 #kuromi #維他命c