大和堂咖啡店
📍九龍城衙前塱道24號地舖
今日黎到九龍城呢間好有特色既咖啡店,由中醫行變成今日既咖啡店,保留了歷史悠久既牌匾,百子櫃,中醫執業證同長櫈,裝修好有特色,好多人都慕名而來影相打卡,座位同環境都令人舒服,而佢既食物同咖啡都好特別,相信去其他咖啡店都食唔到🙂↔️
雞蛋仔與雞 ($138)
熱辣辣既雞蛋仔包住新鮮即炸既雞件,炸雞有六大件,份量都好多,炸雞好入味,外皮都炸到脆卜卜,雞蛋仔蛋味濃,口感偏軟,配合埋口水雞辣辣蛋黃醬,好惹味,呢個醬都辣得幾過癮,如果唔鍾意食辣,仲可以選擇西檸汁或者蔥油汁🐥
大和堂聯乘李輝記漢堡包($168)
李輝記係九龍城好出名賣凍肉嘅舖頭,每逢過時過節打邊爐就會排長龍,用黎整漢堡包就緊係都唔會差啦,麵包都夠熱,夾埋車打芝士同瑞士芝士,煎到好靚既蛋蛋加焦糖洋蔥,酸瓜同茄汁調味都剛剛好,我個人都好鍾意食呢個包,配菜薯條都係新鮮即炸🍔🍟
大和堂拿鐵咖啡 ($48)
拿鐵+蜜糖+伯爵茶,三樣加埋黎味道好夾,伯爵茶味好香,飲落口之後仲有少少回甘既味道,咖啡味相對就唔會咁濃,但都會飲到好香既咖啡味｡呢杯咖啡我認為係必點之選☕️
啡走 ($48)
茶走就聽得多,啡走就比較少,佢同茶走一樣,係用煉奶沖既咖啡,甜度適中,唔錯☕️
呢間餐廳裝修特別,食物都創新好味,咖啡亦都有好多唔同嘅配搭,鍾意飲咖啡既過黎嘆番餐一定會好滿意👍🏻
#美食 #美食推薦 #美食日記 #香港美食 #九龍城 #九龍城美食 #九龍城cafe #咖啡店 #中醫 #中醫館 #特色餐廳 #hkfood #hkfoodie #hkfoodblogger #hkfoodblog #hkfoodstagram #hkfoodlover #hkfoodpic #CAFE #Coffeeoftheday #九龍美食 #假期推介 #打卡美食 #手沖
