陶陶居：144年老字號，粵菜茶點燒臘一網打盡

陶陶居之前喺廣州食完一次就一路都好難忘,今日難得好早就喺深圳整完文件,就有時間可以去食｡ 一路以為剩係得點心食,原來仲有其他嘢食嘅,點解陶陶居咁出名?原來佢已經有144年嘅歷史,一直堅持現點現做,仲係必吃榜連續第五年啦,更加成為米芝蓮推薦嘅餐廳,你以為佢好貴,但原來人均都只係¥100+ 性價比極高,粵菜､茶點､燒臘,全都都可以係陶陶居食到｡ 百年燒鵝當店現烤再配上八年秘製醬,皮脆肉嫩｡真係好想食碟自己食晒🤣 梅子乳鴿有驚喜,肉質細嫩,淡淡梅子香氣,未試過凍食嘅乳鴿都咁好味呀｡ 陶陶居首創咕嚕肉 我之前食過,然後就非常回味,因為第一次見到咕嚕肉係用冰鎮,令到外酥內嫩｡ 潮式手釣火箭魷魚 估唔到到依度都有得食魷魚,仲要凍食嘅魷魚醬汁酸酸美味好惹味,啱晒夏天冇乜胃口嘅時候食｡ 陶陶居大蝦餃,勁大粒係師傅堅持手做嘅,入面餡料超足料口感飽滿｡ 酥皮水牛奶菠蘿包 咬入口嘅時候會爆汁,好有驚喜, 鮮果榴槤天鵝酥 外貌已經好吸引,即刻要打返張卡,一口咬落就成口榴槤肉❤️ 啫啫生菜煲用大澳蝦醬羅馬生菜先炒再啫,生菜口感脆卜卜,超香蝦醬味 卓悅中心店 地址:福田福華路卓悅中心東區2樓L233-234號(近崗廈地鐵站B出口) 地鐵:地鐵1號線崗夏站B出口步行120m 營業時間:週一到周日:10:00-16:30 17:00-21:30 龍華壹方天地店 地址:龍華大道壹方天地C區4層019號 地鐵:地鐵4號線龍華站步行1.2km 營業時間:週一到周日:10:00 16:30 17:00-21:30 #UCreator#快閃話咁易#中菜餐廳#打卡美食#美食推介#旅行美食#福田美食#卓越INTOWN美食 #崗廈北美食#會展中心美食#福田中心美食 #龍華壹方天地美食