鑽石山必食福建菜 期間限定海蠣

想食福建菜去咗莆田食飯，菜品款式選擇都幾多，而且部分菜式可以揀份量，就算兩個人，都可以食到多幾款菜式。 肉鬆茄子 $28 非常大碟抵食嘅炸茄子，茄子炸到外脆內軟，加埋面頭嘅肉鬆，食到停唔到口。 莆田扁肉湯 (碗) $32 天氣凍叫咗碗湯暖吓胃，入面有一口size嘅肉餃，湯底加咗紫菜，非常清甜鮮味。 福建特色海蠣煎（例）$128 餐廳依家做緊海蠣節，有多款以蠔仔入饌嘅菜式，而且仲有$228兩道菜嘅優惠。我哋就叫咗份海蠣煎，薄薄嘅蛋餅上面鋪咗滿滿嘅蠔仔，每一啖都係蠔仔嘅鮮味。 椒鹽豬手 $48@ 叫咗兩隻椒鹽豬手，豬手外皮炸到脆卜卜，加上椒鹽調味好香口，入面嘅肉非常腍嫩，而且啖啖都係融化嘅脂肪同骨膠原。 金絲麥片蝦（例）$228 酥炸大蝦外面沾滿麥片，蝦肉爽口彈牙，加上帶甜味嘅麥片嘅甜味，口感同味道層次同樣豐富。 芥蘭豆皮（例）$88 芥蘭新鮮爽脆，豆皮層次分明口感煙 韌。 。 。 莆田 (荷里活廣場) (鑽石山) 鑽石山龍蟠街3號荷里活廣場2樓214號舖 。 。 #鑽石山 #荷里活廣場 #福建菜 #莆田 (此文章由U Blog 同步發佈至社群)