食住燒肉去幫人

記憶中，呢個舖位都轉手過幾次。沙嗲王、炑八都試過，正正常常，不過呢間一直未有機會試。一得閒嘅時候，招牌下面又多一個#滿櫃膳糧 招牌仔，地下又有回收義賣，八九成新嘅物品，經過處理之後，就賣俾顧客。不知不覺，原來呢間#燒肉店 已經變成一間社企。

#滿櫃膳糧 呢個組織，喺疫情嘅時候，透過一個放滿日用品嘅雪櫃放出街，慢慢幫助大眾過生活。呢間燒肉店請嘅員工，都有社會需要，有銀髮族，都有特殊人士。裡面有一間自修室，原意方便同事照顧小朋友，不過依家已經同鋼琴一樣，開放俾荃灣區內朋友使用。

不過作為一間餐廳，點幫人都要食，先符合基本意義嘅。所以都會想人推介下咩肉最好食，店長提醒我地「食物本身各花入各眼，要記住呢度係一間社企」，聽到呢度，根據以前嘅經驗，都係語出當前，必有後伏。咁唔去都去左啦！咁叫曬所有款式嘅肉類試一次，一定無錯。

C2.牛五花、牛小排、牛板腱、安格斯肉眼、牛舌 、黑豚腩、黑蒜雞 400G *配日本珍珠米飯 300g $358
呢個大滿貫系列，豬牛雞都有，差不多齊曬餐牌所有嘅肉類款式，除左本身嘅麵豉湯之外，仲有汽水送。
呢度嘅肉類，除左雞肉都無醃過，燒完之後，可以自己加鹽、黑椒同各種醬料。
牛五花食佢油花，牛小排同牛板腱食平衡嘅感覺，肉眼好大塊，但好薄，所以紅外線電爐都夠力燒，燒完就自己剪開啦！
黑豚腩燒得瘦，但有燒到脆邊，需要好長時間。
比較特別嘅係黑蒜雞，無蒜頭嘅氣味，主要係黑蒜嘅甜，同埋黑椒味。

A7.香辣紅油雞肉 +配日本珍珠米飯 300g $58
雞肉浸住辣油，辣椒子都喺面，望住個樣感覺好辣，但佢係少辣，主要係香。

安格斯牛板腱 100g $78 
腍又唔肥，又有肉味，最後都係決定叫多次。

菜品合計 $494
服務費$49.4
合計$543

#一人燒肉屋
荃灣眾安街2-8號周合成大廈1樓
電話: 90236337

#foodie #foodiesofinstagram #hkfoodie #hkfoodlover #snack #socailenterprise
#食好西 # #鐵板燒 #日式燒肉 #一人前 #社會企業 #相機食先