2025/02/17

香港大熊貓全攻略｜6隻熊貓點分辦？歷史、日常、冷知識一次睇晒！

熊貓經濟｜海洋公園大熊貓全攻略 (持續更新) 香港大熊貓家族史：由回歸禮物到「本地薑」香港同大熊貓嘅緣分，要由1997年回歸講起。當時中央送咗第一對大熊貓「安安」同「佳佳」嚟慶祝，於1999年正式入住海洋公園，成為香港人嘅集體回憶。雖然兩位「元老」已分別喺2016年同2022年離世，但佢哋嘅故事仲係好多熊貓迷心中嘅經典。到2007年回歸十周年，中央再送第二對熊貓「盈盈」同「樂樂」，呢對「歡樂CP」性格反差超大 - 盈盈（雌）溫柔淡定，樂樂（雄）活潑好動，仲喺2024年8月成功自然交配，生咗全港首對龍鳳胎「家姐」同「細佬」，創造歷史。 2024年回歸27周年，第三對熊貓「安安(第二代)」同「可可」加入香港大家庭。呢對「年輕力壯」嘅5歲熊貓，雄性安安體重130公斤，動作敏捷；雌性可可100公斤，擅長爬樹，經過改名比賽後，最終保留咗四川原名。 6隻熊貓點分辦？記住呢啲特徵！樂樂(雄性)👉🏻 了解特徵盈盈(雌性)👉🏻 了解特徵安安第二代(雄性)👉🏻 了解特徵可可(雌性)👉🏻 了解特徵家姐(雌性)👉🏻 了解特徵細佬(雄性)👉🏻 了解特徵熊貓日常生活大揭秘香港大熊貓全部住喺海洋公園，由專業團隊24小時照顧。佢哋每日食足10公斤四川同廣東竹，最鍾意玩攀爬架同雪地（夏天有噴雪機降温）。為咗等新來嘅安安同可可適應，園方特登將廣東竹運去四川俾佢哋提前試食，到港後再慢慢轉口味。至於樂樂同盈盈嘅龍鳳胎BB - 「家姐」、「細佬」，因為出生時體重輕，一度要用保溫箱同專人餵奶，而家已經識得自己瞓喺枕頭仔度「賣萌」。由入口步行10分鐘左右，到達「C6香港賽馬會四川奇珍館」，就可以睇到一班活潑可愛既熊貓。熊貓冷知識：命名背後故事 1.「安安」兩代同名？第一代安安(雄性) 係紀念1999年「安定繁榮」，第二代沿用名字，寓意傳承 2.「樂樂、盈盈」名字點嚟？ 2007年全民投票，從6,700個名中選出，金庸同林鄭月娥都係評審，象徵「快樂豐盈」 3.「家姐」、「細佬」仲未改名？暫時用乳名，等佢哋大個仔女有明顯特徵，稍後海洋公園就會搞全民命名比賽 = 查看更多大熊貓冷知識 = 點樣睇熊貓最抵？海洋公園分開兩個展館：「大熊貓之旅」住樂樂、盈盈同BB；「四川奇珍館」就係安安同可可嘅地頭。園方不定時推出熊貓主題活動同限定商品，依家仲可以睇到大熊貓直播，了解更多大熊貓玩耍、進食和探索!!! 免費收睇大熊貓直播 : 按此觀看 (開播時間：每日早上10點至晚上7點) 緊貼香港大熊貓日常互動 : 按此查看最新大熊貓龍鳳胎消息 : 2025年2月16日同首次和大家見面 * 展出時間 : 每日上午10時至下午3時 (5小時) * 每日設一團共40人的「貴賓團」(HK$1500/人) 包括 : 海洋公園入場券、開園前半小時即早上9時30分入內、與熊貓合照、短暫逗留大熊貓展館、送贈一張探訪「熊貓龍鳳胎」證書開放時間 : 上午10:00 - 晚上7:00 前往方法 : 港鐵 - 乘搭港鐵南港島綫至海洋公園站即可直達正門入口按此查看港鐵班次購買門票 : 海洋公園網站、Trip.com、Klook、kkday 各位準奶爸奶媽記住預早買飛入場，假日分分鐘要排幾個鐘啊!!! #Ocean park #panda #海洋公園 #熊貓 #dailycons #香港熊貓 #熊貓經濟 #panda go #大熊貓龍鳳胎 #港產大熊貓 #熊貓bb #熊貓寶寶 #熊貓直播 #熊貓貴賓團 #貓熊 #大熊貓展館 #熊貓冷知識 #熊貓日常 (此文章由U Blog 同步發佈至社群)...更多