2023/12/14

鎌倉必試咖啡店！味道，視覺的享受與治癒！珈琲郷茶豆みにこむ

鎌倉係日本嘅一個古樸舒適城市，有好多受人喜愛嘅景點同美食。喺之前嘅鎌倉之旅一日遊，發現咗一間叫做「珈琲郷茶豆みにこむ」嘅咖啡店。呢間咖啡店同樣位於人氣嘅大街「小町通り」，裝修非常雅緻，咖啡非常之好飲，又特別，覺得值得推介，覺得係其中一間去到鎌倉嘅必試！😋 咖啡店嘅門口並唔顯眼，門口只掛有一個大招牌，入口係行落樓梯，通往地庫嘅店舖。樓梯掛有好多關於咖啡嘅字畫同裝飾。入到店舖氣氛截然不同，一陣陣咖啡香不斷飄來，而裝修以淺和深色木調為主，所有傢俱深色木質，好有時空穿越去咗以前昭和京都嘅感覺，非常古典雅緻，仲營造出一種溫暖嘅氛圍。店嘅前方係一排好靚嘅吧枱座位，放有唔同咖啡用具同有虹吸式咖啡，感覺十分專業，坐喺度可以同好友善嘅咖啡師傾偈。呢度有各種唔同口味嘅咖啡，包括latte等奶咖啡, 手沖咖啡同冰咖啡。除咗咖啡，菜單上仲有少量輕食，蛋糕甜品選擇，可以喺度食件蛋糕嘆杯咖啡，好chill。最後決定試吓佢哋嘅招牌咖啡，ブレンドcoffee（自家製烘焙咖啡）。咖啡送上嚟嘅時候，已經被佢嘅外觀吸引住。杯係精緻嘅陶瓷製成，上面刻有精美嘅花紋。咖啡的色澤深濃，有一層細緻嘅奶泡浮在上面。咖啡香氣撲鼻，飲落帶有少少焦糖嘅甘甜味，咖啡濃郁而不太苦澀。如果鐘意甜啲嘅仲有糖，同奶另外上，可以按喜好自己加入！喺呢度不單止係飲咖啡美味，仲係享受一份情調，好雅緻嘅環境，同埋咖啡師嘅用心！不單打咭，仲可以慢慢嘆一個下午、係行完街好好嘅休息站。如果你都喜歡咖啡又想享受悠閒時光，我極力推薦你可以試一試「珈琲郷茶豆みにこむ」。☕️♥️ 珈琲郷茶豆みにこむ 📍神奈川県鎌倉市小町2-10-4 東洋ビルＢ１Ｆ營業時間： 🕰️ 星期三至星期一10:00 a.m.至7:00 p.m. (Tue off) 推介程度：❤️❤️❤️❤️❤️ #珈琲郷 #鎌倉 #咖啡 #咖啡店 #文青 #日本產 #手工製作 #Kamakura #日本 #日式 #日本之旅 #japan #自由行 #必去 #好去處 #熱門菜式 #打卡 #攻略 #chill #週末 #快閃之旅 #快閃 ...更多

鎌倉必試咖啡店！味道，視覺的享受與治癒！珈琲郷 茶豆みにこむ

鎌倉必試咖啡店！味道，視覺的享受與治癒！珈琲郷茶豆みにこむ