［銅鑼灣］屹立係銅鑼灣鬧市磚紅色老字號特色麵包店🥐🍞

大家一聽到老字號既麵包店可能就會覺得一定係裝修好殘舊又細間,賣既麵包種類係細個見開既腸仔包､提子包果啲~Nonono今日要介紹一間係銅鑼灣顛覆傳統既30年老字號麵包舖 - 君蘭麵包廠🥧 麵包舖係正世界貿易中心對面,磚紅色既設計有種復古又摩登既感覺好適合打卡,擺脫左一般人對於舊式麵包舖既睇法,成功同時尚銅鑼灣融為一體💖麵包舖多年黎堅持人手製作､烘焙百分百香港製造,並用創新思維改良傳統麵包推出左多種新產品,例如:小牛角包系列(61%朱古力､提拉米蘇､紅桑子脆脆等)､中西合璧既菠蘿牛､特式菠蘿包系列(真·菠蘿包､三文魚菠蘿包､麻糬芝麻菠蘿包等)🤗 ————————————————————————————— 今次試左佢7款唔同既牛角酥🥐同麵包🍞 ♦️墨西哥包($11) : 正常麵包size,麵包入口好鬆軟,味道同傳統墨西哥包有少少唔同,麵包有少少奶香同蛋香味,如果麵包皮可以更加鬆脆就更好🤗 ♦️伯爵茶黑糖麻糬撻($16):未食已經聞到好香黑糖同濃郁茶香味,撻皮夠薄唔會好漏,黑糖加麻糬食落去似飲珍珠奶茶溶左既珍珠,幾特別可以試下👍🏻 ♦️葡撻($10):酥皮鬆脆但較厚身,食落好香蛋味好滑而且入口即溶🥧 ♦️ 真·菠蘿包(雲呢拿)($20):呢款菠蘿包有別於傳統係用左真正既菠蘿果肉,而且菠蘿經過燒過更加香,再配搭Valrhona 白朱古力忌廉有種雲呢拿香味口感好滑,菠蘿包外脆內軟🥯推薦👍🏻 ♦️菠蘿牛($16):傳統菠蘿包同牛角酥既crossover,表皮鬆脆可口好香牛油味,下層牛角酥質感好鬆軟🥐 ♦️ 玫瑰伯爵茶小牛角($22):Size好的骰可以食多幾個味道😋 面層撒左玫瑰花瓣同埋加左玫瑰果醬,味道有少少似玫瑰奶茶,更突出其花香同伯爵茶香味又唔會好甜,牛角酥口感有層次夠鬆脆,下次想試埋其他味道💖 ♦️ 法式芒果布甸包($19):有粒粒芒果係布甸面而且唔酸,布甸唔會好甜有蛋香而且好滑捋捋食落有層次感,但小心食果陣唔好過分傾斜唔係會好易整污糟件衫,店家建議雪凍食會更好味,大家可以試下🙈 ————————————————————————————— 另外佢仲有多款袋裝新鮮麵包,例如日本黑糖提子軟包､法式朱古力排包､荔枝蜜核桃軟包等可以買番屋企做早餐,逢星期一仲有88折😎麵包唔岩既話仲有蛋糕､曲奇同中式唐餅🤗 📣優惠: 1)各款迷你菠蘿包及小牛角包系列$52/3件(可以混合購買) 評分🖍️(滿分為5個🌕) 抵食指數:🌕🌕🌕🌗🌑 服務質素:🌕🌕🌕🌗🌑 環境:🌕🌕🌕🌕🌑 味道:🌕🌕🌕🌗🌑 📍君蘭麵包廠(銅鑼灣) 銅鑼灣東角道26號怡安大廈地下6-8號舖 大圍分店:大圍港鐵大圍站 TAW 50 號舖 大埔分店:港鐵大埔墟站 TAP 18 號舖 美孚分店:美孚港鐵美孚站 MEF 114 號舖 兆康分店:屯門港鐵兆康站 SIH 22-23 號舖 羅湖(入境)分店:羅湖港鐵羅湖站大樓入境大堂 2 樓 LOW K9 號舖 羅湖(出境)分店:羅湖港鐵羅湖站地下入閘區大堂 LOW 105 號舖 #UCreatorHK#BESTFOODwithUCreator#香港美食#九龍美食#新界美食#香港隱世美食#美食推介#美食推薦#美食分享#hkfoodie#hkfoodblogger#hongkongfoodie#hongkongfood#打卡美食#CAFE#港島美食#UCreator#Foodie#銅鑼灣#麵包#麵包店#君蘭麵包廠