【香港搵食🍴】RaRe Restaurant

喺中環番工嘅朋友向我推薦咗呢間RaRe 呢間係法國藍帶主廚主理嘅法國菜餐廳 以前都喺中環 而家搬咗過嚟干諾道中 Six Course Set Dinner for 2 原價1288 而家做promotion 只需699咋 店員見到完成咗一道菜之後先會再上下一道 🥗巴馬火腿蜜瓜沙律 2大塊Parma ham同蜜瓜 係不能分開嘅一pair 再伴以幾粒車厘茄 同唔同嘅菜做base 開吓胃 🥗熱帶風情海蝦青瓜沙律 Staff一擺低碟沙律 已經見到賣相好吸引 清新嘅青瓜絲配上彈牙嘅海蝦感覺好可口 配搭啱啱好 整體食落有啲泰國風味 而且份量啱啱好 令我更加期待下一道菜 🍲南瓜忌廉湯 南瓜配搭上忌廉係我哋最愛😍 夠晒熱 好濃郁嘅南瓜味 忌廉湯creamy 仲喺上面拉埋花 好有心思 飲落唔會覺得滯 啖啖南瓜湯都好滿足 🍝香辣低溫慢煮雞胸巴東汁扁意麵 微辣 擺盤好打卡able 雞胸切到細細粒 容易咀嚼 肉質仲要一啲都唔嚡 夠爽嫩 意粉吸收晒啲巴東汁 好惹味 整體都好出色 唔係啲油淋淋嘅意粉🥹 唔點食辣嘅朋友都ok 之前未試過巴東汁嘅可以試吓 🦆紅館姜母鴨 一見到道菜就覺得好特別 鴨腿配上creamy薯蓉 仲有佢底有個好香口嘅汁 一啖鴨腿一啖汁 再點少少橙醬 都唔會覺得好突兀🤓 而且鴨腿嘅外皮係微微脆口 肉嫩嫩滑 食落好似酒樓脆皮雞嘅感覺 🐟茴香魚高湯煮海鱸魚 魚肉非常滑溜 配搭嘅湯好中式 感覺茴香味都幾出 而且份量非常大 做到啖啖魚肉好滿足 唯獨食嘅時候可能有細骨要留意 🥧鮮果芝士撻 士多啤梨鮮果撻唔會好滯 食哂所有前菜 主菜 配上呢個甜品啱啱好 🍰芒果拿破崙 三層拿破崙酥皮都好脆口 再加上大大嚿芒果 講緊嘅唔係一粒粒 係兩層都係啱size嘅芒果，確實唔錯😌 📍中環干諾道中50號地下B號舖 📞23330986 🕐1130-2200 💲人均385 #RaRe#法國藍帶#法國菜餐廳#中環#中環美食#紅館#RaReRestaurant#相機食先#hkfoodie#hkfoodporn#foodiehk#打卡美食 #港島美食 #Foodie