一間好有氣氛嘅外國風餐廳，野食嘅味道亦非常美味。
廚師精選沙律係巴馬火腿蟹子沙律配黑醋。味道清爽開胃，加上蟹子令人有爽口嘅感覺。
魚蝦蟹多士味道濃郁，有啲似他他醬，少少creamy 帶啲蝦鮮味，成舊食落仲係好脆口。
Seasonal starter係蚌肉，少少爽口嘅質感，味道鮮而唔腥，幾吸引
蒜香蝦球炒意粉外表睇落就好吸引。蒜香味好濃。加上黑椒粉嘅香味更加刺激味蕾，食落非常惹味，而且配有六隻好彈牙嘅大蝦，好抵食。
煙三文魚佐63度温泉蛋意粉值得分享下，佢嘅味道會比較溫柔，意粉配上溫泉蛋令口感更加滑溜， 但又唔會搶走本身白汁嘅味道。而且配上三文魚，味道同口感都多左層次，所以同樣推介。
Pimm's cup味道酸酸甜甜而且感覺好fresh ，入面仲有好多唔同嘅水果，好易入口個個都啱飲。
🥂Time Park Lounge (尖沙咀)
尖沙咀棉登徑13-15號棉登大廈地庫
#尖沙咀美食 #尖沙咀酒吧 #外國風情
(此文章由U Blog 同步發佈至社群)
