🦆MACROONIES
📍大角咀 - 嘉善街18號利奧坊地下G706號舖
Duck嫂🦆今晚公司有會要開，阿仔學校又有活動，剩返阿女🥲(仲要係今日生日🎂)，Duck哥🦆梗係要帶阿女去附近食好嘢啦🥰。行過利奧坊見到開咗間新嘅餐廳，餐牌📔選擇唔算太多，但望落幾吸引，最緊要主角望過話ok😂，咁一於就去試下😆。
鮮龍蝦(半隻)意粉 $168
龍蝦🦞爽口彈牙，味道鮮甜😋，廚師已將龍蝦鉗拆殼起肉，好貼心💕；意粉🍝煮得剛剛好，軟硬度適中🥰；最後要讚一讚個醬汁，自家製茄汁🍅加埋龍蝦汁🦞，出嚟嘅效果非常之好😍，本來對意粉興趣不大嘅那女，一個人差唔多清哂成碟😋。
烤美國肉眼扒(8安士) $228
肉眼扒🥩烤得十分出色😋，表面焦脆香口，7️⃣成熟成度啱啱好，肉色呈鮮紅色，肉質軟嫩多汁，牛味香濃，阿女話好好食😋。
意式芝士蛋糕 $58
Tiramisu 充滿酒香味🥃，甜中帶甘，再帶有淡淡嘅咖啡香☕️，口感豐富😋。
總括而言，餐廳地方唔算大，但都有幾多位俾人book咗🫢，但係其實都合理，價錢唔算貴，食物質素又唔差，加上服務貼心，真心唔錯，以後Duck哥🦆又多個選擇啦。
後記：睇過餐廳午餐Menu📔，有餐湯🍲/沙律🥗，麵包🥖和飲品☕️，仲可以半價叫到Tiramisu 或者 Cheese Cake，而且價錢平過晚餐，但份量一樣，好吸引喎😍。
後記2️⃣：Duck嫂🦆開完會之後，順便攞埋個生日蛋糕🎂返屋企，同時間阿仔又返到嚟。好，齊人啦！生日歌🎤唔該，Music ~🎶
#西餐廳 #Tiramisu #性價比高 #相機食先 #肉眼扒 #手機食先 #hkfoodies #龍蝦意粉 #食好西 #大角咀美食 #hkkol #foodieshk #香港探店 #香港探店分享 #hoeat_duck #hoea #macroonies
(此文章由U Blog 同步發佈至社群)
